KOL话美斯唔落场玩谢香港、失国际金融地位　但唔知冇人撑美斯

有KOL话，美斯在香港唔落场踼波，将香港玩谢，甚至失去国际金融中心地位，但KOL唔知，根本冇人企美斯的一边，现在他烦到癫。

美斯在香港冇落场踢表演赛，兼全程黑口黑面，到了日本就龙精虎猛，摆到明落香港面，不过亦冇办法，鬼叫美斯系球王，香港就算告都告唔入，唯有硬食一招。

事情发酵咗几日，虽然真相始终没有浮现，大家都唔知道是金钱抑或政冶问题，但除了一些移英港人之外，全世界都冇人支持美斯，估计3月份美斯带领阿根廷国家队在杭州以及北京的比赛就冻过水，相信中国领导人亦唔敢请美斯踢表演赛，万一美斯因伤唔出场，领导人可以立刻执包袱，无人敢孭这个责任。

有KOL话，美斯今次真系做得好，直接将香港金融中心地位降低，有利新加坡。其实，大家都知道今次是美斯毁约，而香港只是追回最基本权益，如果咁样都可以失了金融中心地位，唔通真系外资大哂，我相信这只是KOL自己的想法，而事实上如果时间可以返转头，我担保美斯唔敢唔出场，现在不但失了商誉，并有可能失去中国市场，以至无数约代言揾钱机会。

我反而觉得美斯唔够吉士，既然唔出场，点解又要发文讲非常渴望来中国及香港比赛，虽然冇讲对唔住，但已经是非常低声下气。既然已经做咗，索性话他自己只是根据合约而做，合约话如果有伤可以唔出场，现在有伤，唔出场是遵守合约，香港政府只是发烂渣，讲完就唔在回应，至于中国市场及代言费用，根本是小问题，中国人只识得嘈两句，话唔定加多啲出场费要美斯去中国比赛。

今次受害者应该是碧咸，他已经很努力打圆场，甚至睇韩国打亚洲杯都唔去日本睇美斯踢波，其次是日本，如果不是日本人担心美斯不出场，6万8人体育馆，点会只得四成入座率，不过，最伤都还是美斯自己，十年道行一朝丧，有辱球王的名衔。

【财经专栏】汤文亮｜纪惠集团行政总裁

免责声明︰以上内容仅代表作者的个人立场和观点，不代表香港01的任何立场，香港01亦无法核实上述内容的真实性、准确性和原创性。

另外，以上纯属个人研究分享，并不代表任何第三方机构立场，亦非任何投资建议或劝诱。读者务请运用个人独立思考能力自行作出投资决定。