澳门美食丨文记咖啡必点花生酱猪扒菠萝包 仲有获奖蕃茄蛋通心粉
撰文： 食在澳门
出版：更新：
呢期为食妹又嚟到澳门高士德大马路附近揾食，嚟到文记咖啡，试一个据闻系无人可以拒绝嘅神仙搭配———“花生酱猪扒菠萝包”。
花生酱猪扒菠萝包：花生酱+猪扒+菠萝包=神仙美味组合
好似为食妹咁样嘅“花生酱脑袋”，真系对花生酱猪扒菠萝包毫无抵抗力。
+1
国际惯例，菠萝包必须趁热食，菠萝包香脆酥软，猪扒系大大旧嘅T骨猪扒，煎得啱啱好唔会太油腻，加上花生酱简直就系锦上添花，够晒香浓。
呢只镇店招牌，几乎系每台必点，26蚊一只，大件夹抵食！
推荐指数：五粒星⭐️⭐️⭐️⭐️⭐️
蕃茄蛋通心粉
除咗花生酱猪扒菠萝包之外，呢度嘅蕃茄蛋通心粉都劲出名，仲攞过金莲花菜式奖。斋系佢个嘅卖相都够煞食，睇住都想流口水，超级有食欲。
蛋炒得非常嫩滑，通粉本身应该系黑底，有淡淡咸香嘅豉油味，浓稠嘅芡汁包裹住每一粒通心粉，酸酸甜甜，食落好开胃，钟意食蕃茄嘅老友一定要试下！
推荐指数：都系五粒星⭐️⭐️⭐️⭐️⭐️
+3
怀旧红豆冰
红豆冰嘅出品不过不失，奶味几香，红豆微微硬，但系唔会太甜，呢点为食妹非常满意～
推荐指数：三粒星⭐️⭐️⭐️
除咗上边呢三个比较多人推荐嘅菜品，其实“文记”仲有劲多菜式，碟头饭、炒𩠌、煲仔饭等等试都试唔完嘅美食！价格公道实惠，选择又多，周边嘅街坊当正呢度系饭堂，为食妹表示一定有下次！
文记咖啡
总店：澳门庇山耶街28号
炉石塘店：澳门连胜马路82A号金莲大厦地下A座
澳门美食丨老牌茶记新鸿发美食 人均$30+识食要试干炒牛肉通心粉澳门美食手信｜传承三代的纯手工传统糕点 砵仔糕白糖糕芝麻糕澳门手信丨三盏灯晶记饼家53年老字号本地人日日食 纯手工CP值高澳门美食｜隐世小店“兄弟行”6大必吃推荐 纯手打墨鱼滑超弹牙澳门特色美食推介“猫山王榴梿葡挞”爆多肉20蚊超值丨大三巴附近澳门美食｜零差评“无骨鸡翼包” 大三巴隐世茶档位置考起本地人澳门美食经典“葡式辣鱼包”只卖7.5蚊？42年小店第二代传承美味澳门美食｜新荣记明火豆腐花、鱼面蚝仔米 5大推介值得试附地址澳门手信｜唔止杏仁饼！澳门人推介5大特色手信 尝澳门旧日味道澳门美食｜“炭火现烤”鸡蛋仔格仔饼 怀旧小食消失中咪走宝
【本文获“食在澳门”授权转载。】