澳门美食｜隐世小店“兄弟行”6大必吃推荐 纯手打墨鱼滑超弹牙

呢间澳门人私藏咗30年，座无虚席嘅“兄弟行”，喺澳门据说一个对手都无？！

招牌丸滑，打遍澳门无敌手

“兄弟行”有三式秘诀，将对食挑剔嘅澳门人治得贴贴服服，为食妹即刻就带大家探下到底有乜咁把炮！👇👇👇

1. 零添加纯手打

“兄弟行”啲丸滑通通都无勾兑猪肉面粉嘅，最多人食嘅墨鱼滑同鲮鱼滑，都系0添加100%纯肉手打，吃起身尤为弹牙~

2. 双选任拼唔嬲

除咗墨鱼滑鲮鱼滑之外，呢度嘅选择都有几多下~不过唔洗担心选择困难症，因为可以选择双拼，店内所有嘅菜式都可以随意排列组合。

3. 惹味秘制辣酱

仲有呢款辣椒酱，系独家秘制~无论系食辣唔食辣嘅小伙伴，都可以大胆尝试，唔会太辣太呛，但系又提香惹味。

进店必食，墨鱼丸鲮鱼球面

讲咗咁多，终于要正儿八经带大家开食。呢碗墨鱼丸鲮鱼球面系当之无愧嘅人气top1，第一次嚟试水嘅朋友仔一定要点，入口就可以感受到三重“弹”！

1. 墨鱼丸弹

墨鱼丸经过千锤百炼之后，逐渐起胶色泽雪白，新鲜嘅程度肉眼可见。弹牙爽口，咬落去仲有丰盈汁水，鲜甜得过分！

2. 鲮鱼球弹

鲮鱼嘅泥腥味系反反复复嘅捶打下，消失得无影无踪。而反复摔打令鲮鱼肉质变得更加紧实Q弹，鲜味又被牢牢锁住，同正宗嘅均安鲮鱼球有得一拼！

3. 竹升面弹

“兄弟行”可以选粉、面、米粉三种底嘅，为食妹最推荐嘅系面底。呢度嘅竹升面同样系手工定制，爽脆弹牙韧性十足，完全无碱水味！

圈粉无数，呢啲选择都超正

睇住密密麻麻嘅菜单，为食妹都忍唔住再落多两次order！店入边嘅熟客仔疯狂咁推荐水饺、墨鱼翼仲有牛柏叶，我哋又点可以错过喔~👇👇👇

1. 水饺

不得不赞，呢度嘅水饺皮薄馅靓，够晒大只，咬落啖啖肉！

水饺系鲜肉木耳馅嘅，木耳嘅清爽中和咗猪肉嘅肥腻，同时又糅合咗肉香同木耳嘅清香。吃几多只都唔会觉得滞，忍唔住想打包生水饺翻屋企煮！

2. 墨鱼翼

做足功课嘅为食妹悉知墨鱼翼嘅宝贵，一大只墨鱼就只有7%嘅地方可以圈出墨鱼翼，所以为食妹非常推荐大家试试！

会“上头”嘅墨鱼翼又几有魔力，一啖一只超过瘾。食落“short short声”，爽到冇朋友！

3. 牛柏叶

呢度嘅牛柏叶唔系日日都有，点到就有食神~老细话今日有得食𠮶阵，千祈唔好犹豫，冲就完事了！

新鲜牛柏叶，每一口都写满鲜爽脆嫩。蘸上秘制辣酱，微辣中仲带有淡淡甘香。

嚟晏咗都食唔到嘅“兄弟行”，已经陪伴咗澳门人30年，经过无数饕客嘅味蕾考验，30年品质不变坚守匠心，价格小贵，但仍旧每日座无虚席，为食精们，打卡记得早啲出门！

兄弟行
喺边度食：澳门沙梨头爹美刁施拿地大马路18号A铺（31号码头对面）
几时有得食：09:00-17:00
电话：+853-6651 3714
人均消费：40至50澳门币

【本文获“食在澳门”授权转载。】