【早霸王】阿正食榴梿糕都被狂闹？　森美︰叫你食啫，无叫你吞啊

为求节目效果，森美平时都好钟意讲笑，不过就不同人听有不同睇法喇。在上星期四（7/3）的电台节目《早霸王》中，有网民就为主持阿正抱不平，说森美太过分了。

《早霸王》里《识货之人》一节，主持人常常会试食不同食物，上星期四(7日)的一集就试食榴梿千层糕。在节目一开始，负责这环节的新人阿正，在介绍将会试食的食物时，讲为“你食开𠮶啲应该都系人哋整，呢啲就系现成嘅。”森美即忍唔住︰“点啊！棵树生出嚟㗎？咩叫现成呀？”他认为应该讲人手造或是机造的，不是讲现成这个词。

后来，森美试食榴梿糕，阿正就形容为斋“糖味”，森美就说︰“糖味啊？我哋无人讲糖味㗎。”阿正就补充为甜味。森美就继续说︰“真系无人咁讲嘢㗎，‘有啲咩味啊杯雪糕？’‘糖味啰’，无人咁讲嘢㗎，我求吓你哋啦好无啊？可唔可以讲嘢正常啲㗎啫。”

其后，阿正试食榴梿糕，因为榴梿糕太大嚿，她表示“未吞到”，而且嘴巴都塞满了榴梿糕，说话不清晰，森美就说︰“唔洗吞啊，边个叫你吞啫。”然后和小仪都说“叫你食咋嘛，无叫你吞啊。”她就解释︰“食呢个process唔系包埋吞㗎咩大哥。”森美︰“唔系唔系，净系食啫，摆落个口都已经食咗㗎喇。”然后阿正就一路满口榴梿糕，一路说话，状甚可怜。及后阿正说7吋长的蛋糕，而森美认为是用多少gram（克）来形容，又再讨论一番，森美还说︰“你今日真系奇怪啊。”

所以，有网民就话，森美今次讲说话过分了。不过，也有网民力撑森美，觉得他也是跟平时一样，他一向喜欢开玩笑，而且说阿正表现退步了。但可能其实很多时都只是节目效果，相信两位主角唔会太认真。