【早霸王】年轻听众唔识界定知己与情人　森美出手教路　

今集《早霸王》男听众阿宇同女友由相识多年嘅好友变成拖友，之不过，由于佢觉得欠对方一个表白，于是就鼓起勇气打电话去节目。阿宇回想半年前同呢位多年好友睇完波之后，慢步返屋企途中，“只手你碰我，我碰你，就咁拖咗手。”不过，最好笑系拖咗之后，阿宇竟然问：“咁就一齐架啦？”完全系将男女角色对调一样，森美听到都笑唔停，仲问阿宇怕唔怕今日一问，对方会“缩沙”，不过阿宇就话好有信心，因为大家早已认定对方。

对于由多年好友变成拖友，森美似乎有唔少疑问：“会唔会同佢啱嘴形，系好知己但当中无爱？”他更以一个“男人揾到知己，如果后生仔揾到好兄弟一样，会成日都想见，甚至会怀疑自己性取向”作为例子，并好认真系同阿宇讲“如果你发现唔系爱就出事架啦”呢个中年大叔提出嘅问题，令年轻男听众静咗一阵子，为此，森美再问阿宇“系咩令你觉得自己爱佢”虽然男听众话都几难答，但佢最终就话“佢可以支持我去做自己想做嘅事”，森美话知己只会陪伴左右，而情人系会无条件去支持另一半，所以好乐意去帮阿宇表白。

电话接通女主角阿Lui之后，阿宇口都震晒咁问“你可唔可以做我女朋友？”之不过，现场一遍死寂，之后阿宇问女友系咪未瞓醒，阿Lui又好快咁话“唔系”气氛开始有啲尴尬之际，阿宇再问一次“可唔可做我女朋友？”阿Lui好淡定咁话“可以”，呢个时候，连森美都忍唔住问点解好似咁迟疑，阿Lui就话“因为知讲咩好”。成件事都算系成功嘅。