【早霸王】一个月爱情试用期有得揽同锡　男听众到底系咪兵？

职场上嘅试用期一般嚟讲都系三月月，咁爱情试用期又会系几耐呢？最新一集《早霸王》“你知道唔知道有人挂住你”男主角Kelvin打电话去节目话想同女朋友表白，因为今日刚好系佢嘅试用期满月。

Kelvin透过交友apps认识呢位女朋友，倾咗两星期之后，喺去年12月30号相约见面食tea、睇戏。“一见面就觉得好click，所以即时问佢31号有无嘢做，约佢睇烟花。”就系咁Kelvin同呢位女子一齐睇住烟花迎接新一年，并喺“5、4、3、2、1”后向对方表白，但女仔就话：“要再讨论， 一个月后再倾啦。”试用期间，Kelvin话都过得几sweet，有拖手之余亦有揽揽锡锡，讲到呢度，连森美都忍唔住话想试用下呢个女仔，并直指Kelvin著数晒，但亦不禁表示“女仔知唔知自己蚀底架？”而小仪亦都认为二人相识时间太短。

Kelvin仲话打去节目前，仲有同女友倾电话，但大家都未有提及“试用期”一事，既然系咁，森文马上打电话比女方，可惜嘅系电话无人听！森美即问有无送过贵重礼物，Kelvin表示送咗一个吊坠，同时好认真咁话：“佢唔系啲咁嘅人。”主持人之一嘅Marco即时口贱贱表白：“你唔送边有得揽”，而森美就一口咬定Kelvin早已被落入兵仔系列，而今次嘅试用期亦都好大机会冻过水。