【早霸王】男听众有小三激走老婆　森美：今次都几棘手

由森美同小仪主持嘅《早霸王》“你知道唔知道有人挂住你”撮合过不少情侣，不过，今集嘅男听众阿辉就话系希望透露节目得到老婆嘅原谅，佢仲话：“半年前有个好错嘅决定，有咗第三者。”阿辉透露同老婆相识11年、结婚两年多，结果因为小三嘅出现，令老婆即时搬走，阿辉仲话已经同第三者分手，但对方就似乎唔肯放过自己，将fb头象换成二人合照。

森美听完之后，即时笑言无咩事唔好同其他人合照，免得出事，其后就好语重心长咁话：“男人永远做错事就系唔谂后果。”并指要一个人对另一个形象由好变差，可能只需要做一件事就搞掂，相反地，要将印象由差变好，无论系时间、所需气力都系好多，并提醒阿辉，唔好以为一个电话就可以令老婆回心转意，最后更大叹：“今次都几棘手。”阿辉透露之前试过将屋企布置成求婚一样，不过呢个举动就吓怕对方。“我有问用咩方法令佢回心转意，佢话可以传讯息。”虽然听落似乎又未去到绝路，但森美就好担心呢通电话会带来返效果，并多次提醒阿辉唔好心急，又问是否愿意花11年才得到老婆原谅，阿辉表示已下决心要重新追求老婆，并透露每日都有写信予对方。

电话接通阿辉老婆Ivy，由于她的同事正在收听《早霸王》，所以Ivy好快就知咩事，并表示唔想接阿辉电话：“因为对话咗好多次，觉得……应该等过去好啲，同埋错过咗……就向前行。”阿辉睇嚟真系要加把劲。