【港姐2018】雷庄𠒇将卸任讲byebye　原来仲有一年死约绑住冇得走

《香港小姐2018竞选》即将开始，今日（8月25日）20位佳丽在TVB电视城进行试戴后冠采排，19号杨帆更抽签抽中成为试戴后冠的佳丽，而上年2017年香港小姐雷庄𠒇（Juliette Louie）更回到电视城颁赠后冠。不过明晚（8月26日）的《香港小姐2018竞选》可能是大家见到雷庄𠒇的最后一天，因为她已决定不续约返回加拿大发展。

对比起其他历任的香港小姐，雷庄𠒇（Juliette Louie）在过去一年的工作机会真的少之又少，尤如人间蒸发一般。传闻因Juliette的观众缘不佳而受到TVB冷待，不过她本人在之前的访问中，却指过去年出席不少慈善活动，并否认传闻。姑勿论真正理由如何，Juliette已决定往加拿大追寻她的演员梦。今日（8月25日）她接受《香港01〉访问时，谈起成为香港小姐的感想，她说：“我个生活唔同咗，宜家出街都要化少少妆，但系压力都系一样，冇乜压力，都系玩下，Enjoy我成为香港小姐嘅过程，同埋好开心可以识到一班姊妹，Emily、Boanne、中华小姐，我哋真系做咗好朋友。”

谈到过去一年的港姐工作，似乎被TVB冷待，雷庄𠒇（Juliette）解释说：“呢个都系公司安排，但系我都学到好多嘢，呢一行同埋公司关系上面嘅经验，学咗呢啲嘢之后，我希望可以带返去加拿大𠮶边，发展多啲，醒目啲。”虽然名义上明天就是Juliette港姐的最后一天，但原来Juliette与TVB之间还有一年的经理人合约。“Technically（技术上），我同公司仲有一年，走咗之我一路都系under佢哋management（经理人合约），所以我都可能，有机会，如果呢度有嘢做，可能都会返嚟。因为Technically都系有一年management。”

即是变相雷庄𠒇还要留在TVB一年，而这一年还有机会是零工作。雷庄𠒇语中带点无奈的说：“咁签咗约就系签咗约，哈哈。”