【港姐2017】冠军唔够“香港”？　雷庄𠒇：细个会同爸爸去大牌档

2017年香港小姐竞选刚于9月3日顺利完结，最后经由郑裕玲Do姐“神圣”一票选出今届港姐冠军雷庄𠒇（Juliette）。话就话系选举，但系认受性就好似唔多高。虽然赛果已经“尘埃落定”，众多网民的评论反而有增无减。日前港姐冠军雷庄𠒇的一段影片出现后，更有火上加油嘅感觉，大批网民更由讨论区移师到Juliette的Instagram内直接追击。网民批评不外乎是外表样貌似宾宾，不懂中文广东话，回流香港代表性不足，“不如唔好叫Miss Hong Kong，叫Miss TVB好过”云云。

面对大批网民haters，雷庄𠒇一于好少理，实行你有闹，我有我出活动。呢几日仲瞓得好好，唔受影响添。雷庄𠒇接受《香港01》访问时表示：“我觉得个地球咁大，咁多意见，唔可以please到100%啲人。（你觉得自己please到几多%嘅人？）哈哈，咁就好难讲，因为我𠮶边加拿大有好多人支持我，依度都好多人支援我，我都知有好多人唔开心因为我攞咗冠军。都系𠮶句，人人都会有自己意见，系啱嘅。（即系几多%？）I realy don't know，答唔到你。”

网民言论其实都是说这位应届香港小姐雷庄𠒇不够“香港”。在《香港01》访问中，Juliette就有自己见解：“我觉得香港系一个好international的城市，每个人都有唔同background，都系唔同地方返嚟，所以我可以代表到唔同culture嘅香港人。其实我喺香港住咗10年。细个都会同爸爸去好多大牌档食嘢，我好钟意食椒盐虾同埋通菜。Daddy成日都会嗌蒜蓉虾，食好多seafood。”

不过香港人有时候睇人都几表面，第一眼通常都系睇个样先，所以网上负评都是集中在样貌身材上。但雷庄𠒇似乎又很看的开，她解释道：“我明白香港人系有好多expectation，我的脸同身材系鬼妹啲，不过我系100%中国人。Daddy系澳门返嚟，Ｍami系香港人，所以我始终系一个中国人。（你perfer自己系中国人定华裔？）梗系中国人啦，我好proud of 自己culture，只不过我细个去咗国际学校，所以冇咗个感觉啰。”