雷庄𠒇卸任港姐拒留TVB 9月底返加拿大：想到荷里活𠮶边追梦！
撰文： 吴子生
出版：更新：
2017年度香港小姐竞选冠军雷庄𠒇，为节目《万众同心公益金》现身电视城，于台上表演跳中国舞。在任期间，雷庄𠒇履行港姐职务，无论大小慈善活动都出席，即将卸任嘅佢接受《香港01》访问时说：“我同TVB合约去到12月，但因为我想快啲开始工作，去加拿大𠮶边发展，所以选完（今届）港姐之后，九月尾就返去加拿大，其实我梦想系做演员，我来选港姐之前已经演戏，当我选港姐时亦有讲过想到荷里活𠮶边，希望我可以追得到呢个梦想。”
过往历任香港小姐冠军，当完成该届使命卸任后，就会开始拍戏，点解雷庄𠒇唔畀多自己一年时间呢？雷庄𠒇话都系睇钱份上：“外国赚钱可能分别好大，𠮶边赚钱比香港多，同时冇咁辛苦，咁我又唔系话怕辛苦嘅，我好钟意做嘢，我好努力，但我觉得香港做啲野，唔系甘啱我演戏路线，我系好急好想做嘢，我等唔到，如果听日有工作做我一定会做。”
上年当时宣布香港小姐冠军得主是雷庄𠒇，有质疑“造假”，网络上不少人认为雷庄𠒇不够漂亮，因而成为网络上被攻击的对象。难道香港文化是非及人事问题好复杂，令雷庄𠒇觉得辛苦？佢坦言：“都有少少嘅，咁其实又唔系唔了解香港嘅文化，我由细到大都系香港长大，咁我谂可能系⋯⋯⋯你点样讲好似都会惹上麻烦，其实我毕业之后喺𠮶边做咗一年时间演戏，跟住我就返嚟呢度一年，试咗都系钟意𠮶边，因为我喜欢拍动作片，好似成龙咁，好想打功夫，因为外国𠮶边机会系大啲。”