【港姐2017】冠军雷庄𠒇懒理Haters　回应King Jer：佢点谂就由佢

港姐2017冠军就已经定咗，唔会有得改，不过雷庄𠒇(Juliette)胜出就令到网民好大反应，话Do姐点解会有两票投俾佢，好唔公平。《香港01》立即找来Juliette问一问，佢话：“其实𠮶一刻系难嘅，我哋果阵4比4，Do姐系校长，呢个系TVB嘅方法，我哋都控制唔到。我自己都觉得评审拣会好啲，因为如果系Audience（指网民）拣会好base on𠮶表面，但TVB嘅人会知道我哋另外一面，所以我觉得由评审拣会专业啲。”

好多人立即为入唔到三甲嘅伍乐怡同只有亚军的何依婷唔抵，惊唔惊嚟紧嘅日子会俾人觉得唔光彩呢？Juliette果然系鬼妹仔性格，睇得好开：“其实我就唔会谂好多，咁大个地球，无可能100％人人都钟意架嘛，一定会有haters，我都唔会理佢哋架喇，我对自己有信心。”仲有King Jer喺Facebook上话今届系近年最劣质嘅三甲，Juliette都话唔会理佢讲乜，佢话：“呢个系佢嘅意见，佢谂就由佢谂，我自己嘅反应系做好自己就得，唔好俾佢影响到我。”