【港姐2017有片】冠军雷庄𠒇开LIVE还击　大胆寸网民唔怕成公敌？

2017香港小姐选举，喺一片O咀兼争议声中落幕，出炉港姐双料冠军雷庄𠒇赛前明明系大热，但当选一刻开始就被一面倒狂踩，加上被揭有个富爸爸，网民送俾佢D嬲嬲堆到上头顶咁滞。不过，不满还不满，港姐讲明要美貌与智慧并重，Juliette当选第二日，决定直接开Live面对网民，逐点回应大家嘅批评。温馨提示，由于鬼妹仔唔太识中文，直播系英文嚟嘅。

直播后数小时，几位出炉港姐会见传媒，Juliette接受香港01访问时亦有回应事件，温馨提示，呢次讲中文，但鬼妹仔唔太识中文，以下内容可能有点难明。

问到Juliette其实明知下昼会见记者，点解仲会网上直播回应咗先，佢话：“今朝上ig开直播，其实系想stop一d支持我同唔钟意我嘅人斗咀，我都知今日会见记者，所以想stop左佢地唔好再斗咀先”睇番大部分comment，对你唔太识中文，以及样貌比较有意见，会唔会考虑点改进呢，Juliette就话：“我唔会觉得自己唔系最靓，但我好钟意自己会爱自己，呢d批评唔会动摇的嘅态度，唔会因此而去改变。”一当选就好似唔太得到网友欢心，怕唔怕之后喺幕前嘅路会较难行? Juliette就话：“唔会影响到我，因为觉得自己已经做得好好，亦无时间去呢d讨论区睇，好proud of自己寻晚表现同埋走得到咁远，同埋自己比较乐观，呢d言论唔会影响到我。”直播中讲到’ Some people are not that educated……Not smart enough’，会唔会觉得自己太MEAN? Juliette就话：“自己中文差，可能讲出嚟大家觉得有d尖锐，不过自己只系想特别提出，教育系好重要，做运动系好重要，无健康有好多钱都无用，想鼓励大家读书读好d唔好浪费父母嘅钱”不过，直播时你系用英文讲架噃，关中文唔好咩事……

听完Juliette嘅亲身回应，唔知大家又接唔接受佢嘅讲法呢？不过可以的话，Juliette真系要的起心肝尽快学好中文啦﹗