梁荣亨专访｜妙笔赋予景点新灵魂　鬼手岩、千岛湖由他发扬光大

【梁荣亨专访．旅游篇】大榄涌的千岛湖、黄竹角咀的鬼手岩、吊钟洲的金鱼摆尾、千溪海岸的剑龙石、赤洲的赤漠迷城、花山下的万柱海岸……这些享负盛名的香港郊野景点，皆由“社长”梁荣亨命名及发扬光大。73岁梁荣亨行山超过一个甲子，创立青晖、友峰及友晟3支行山队，推广本地郊游多年。

梁荣亨专访1｜纵横山野一甲子　“烧钱”出行山书写下香港历史见证

梁荣亨专访2｜妙笔赋予景点新灵魂　鬼手岩、千岛湖由他发扬光大

梁荣亨专访3｜香港海岸线比山更美　“两蚊优惠”冲击水线无奈停办

梁荣亨的行山生涯从11岁开始，与同学由黄大仙经狮尾上狮子山，再由红梅谷落沙田，“𠮶时冇乜树，几好行，从山上望落嚟，原来香港咁靓，就开始咗行山”。

小学毕业后，因为家贫不能升学，他去做学徒，入过船厂学放样，又学过烧焊。他说：“喺报纸见到逢星期日有行山队。我识行狮子山，但其他地方好陌生，车都唔识搭，咁跟行山队几好㖞，又唔使报名。原来香港仲有八仙岭、飞鹅山同大屿山。”

逢周日最爱跟队上山下海　难忘海峰之友

梁荣亨跟过新风、业余、白象、巨流等行山队，“6日返工好闷，最期待星期日。（每个星期都去行？）差唔多，除非冇假放”。他觉得跟海峰之友最好玩，令他大开眼界。他说：“除咗行山，仲会出海，惊险刺激，尤其有次行桥咀，要去到龙眼圆头，又攀山又捆边。有啲地方好难爬，佢哋会落绳，玩得好过瘾。”

回忆当年15分钟多由凤凰山跑落昂坪

回想那个行山队百花齐放的年代，梁荣亨也说起一些已故旧友：“陈溢晃、梁煦华，佢哋几个跟李君毅学过唔少嘢。梁煦华有啲可惜，退休冇耐就中风，好多嘢都问唔到佢。陈溢晃就前年（去世），我都送唔到佢。”李君毅被视为香港行山界的一代宗师，梁荣亨表示两人亦师亦友，他说：“好熟，佢当正我系徒弟咁滞，佢啲徒弟都呷醋。以前早期啲书，佢有同我写序，畀咗好多意见我。”

年轻的梁荣亨充满冲劲，也曾追求速度去跑山，“年少气盛啦，由（凤凰山）山顶跑落昂坪，3个字松啲（15分钟多），但痛咗成个礼拜。正常嚟讲，要45分钟，所以3个字真系跑得好劲。而家你叫我跑？冇嘞，起码两个钟，慢慢行落去。以前我哋会话，登山系为咗感受，而家登山就系为享受。”

成立青晖、友峰旅行队

廿几岁时，梁荣亨认识了一班爱国人士，对方建议共同创办一支行山队，于是创立青晖旅行队。他说：“搞咗3年，佢哋想将旅行队转做一个会，想我做理事，但我对政治冇兴趣，加上又结咗婚有小朋友，冇咁多时间，就退出咗。”

“退出咗一年就身痕嘞！”梁荣亨笑道：“如果冇队搞，老婆一定唔畀咁多自由我。”在1981年12月6日，他成立友峰旅行队。他说：“喺意识上，我哋就咁讲‘友谊交天下，娱己娱人。峰立万重山，亦主亦客’。”

1997年成立友晟　将香港美景发扬光大

在70、80年代的全盛期，梁荣亨记得全港有超过50支行山队，“唔只队数多，每次出队都起码二、三百人，非常恐怖，成个山头都系人”。他表示以前部分行山队有政治背景，“很多是爱国团体或者工会，想争取多啲港人对国家嘅认同，搞多啲活动潜移默化”。

梁荣亨当初讲明，友峰不会涉及任何商业元素，所以当他在90年代打算成立出版社时，决定从零开始，另立门户，在1997年成立友晟。他说：“目的系推广旅行文化，发扬探胜精神，将香港一啲好嘅地方发扬好，多啲人分享。”友晟一方面出书，介绍行山路线及景点，另一方面定期举办行山的山线或出海的水线，以行程多样化见称。

大榄涌水塘“千岛湖”美誉源自梁荣亨

梁荣亨是香港一代“山界marketing”专家，懂得设计行程及包装景点，为不同的石景风光配上动人名字，吸引游客，至今不少仍是脍炙人口的打卡热点。大榄涌水塘被称为“香港千岛湖”，渔护署在2019年更兴建了千岛湖清景台，视之为麦理浩径上的重要景点。其实，这个外号来自梁荣亨在《香港市郊探胜》一书，他以美似千岛湖去形容大榄涌水塘。

捆边黄竹角咀　命名鬼手岩

数梁荣亨笔下最著名的石景，必属“环湖出咀摸鬼手”的鬼手岩，鬼手岩位于船湾郊野公园的黄竹角咀。以前虽有人出黄竹角咀，但很少行到落海边。他说：“喺友峰年代，有一次我特别设计路线，一直喺米粉咀扫到去黄竹角咀，有只艇仔可以登陆。我哋逐段捆边，捆到去见到块石好过瘾，好似手掌，又好似一个骷髅头，就叫它鬼手岩。”

梁荣亨记得，千溪海岸的剑龙石是他第一个命名的石景。吊钟洲的金鱼摆尾也是他的神来之笔，“无意间上咗去，望返落去，见到好似金鱼游水咁，好得意”。他接着说：“我最引以自豪系赤洲。第一次去环岛，哗！咁震撼，冇谂过咁震撼！我环岛一周，作咗好多名上去，最出名就系赤漠迷城。我哋行咗几十次，估唔到𠮶度会有恐龙化石。”

梁荣亨行走山野超过60年，拥有不少外号。有人叫他梁领队，有报章称他为“旅行狂”。成立友晟出版社后，大家渐渐都习惯称呼他为“社长”，亦有人叫他为“石痴”。他多年来在香港发掘奇异独特的石景，并著有《1100香港石景》一书。

活到老，行到老，改名改到老，梁荣亨仍不断发掘新景点。他说：“最近我哋去过大头洲，两次捆边，估唔到个岛咁靓！”记者见识浅，以为他说的是石澳的大头洲，后来才知西贡也有一个同名岛屿，就在滘西洲及万宜水塘西坝之间。他续说：“我哋称佢为石蛋海岸，好多一个个石蛋，同埋你谂唔到水质咁靓！呢个岛本身唔系叫大头洲，佢个岛形似一个鱼钩，叫大头钩，跟住叫叫下做大头洲，个名就系咁嚟。佢喺西贡冇乜人留意。”

今年专心休养身体　“冇得百厌”

不过，梁荣亨近月要收起那股寻幽探秘之心。2024年初，他发现脚肿，看医生后被诊断出大肠癌，要接受手术及10个月的化疗。他说：“以为食咗药10个月后冇事，一照一验血，而家轮到小肠，小肠做唔到手术。”他正接受标靶治疗，疗程为期半年。他说：“一路做，一路申请（资助），头两次都要自己畀钱。唔怕辛苦，但佢要验血睇下你可唔可以继续治疗，最怕唔达标，咁就麻烦。”

他承认去年化疗期间还有上山下海，“而家唔可以操劳。旧年食药时，我太百厌，仲有出队，今年冇得百厌，冇得出去行。唉！我新抱系医生，佢话‘老爷，你想行，都要搞好身体先’。”

七十有三，抗癌一年多，旅行狂也不得不认老。梁荣亨说：“年轻时嘅吸收能力强好多。过咗60岁，体能同智力都……唔到你唔服，更唔好话70岁！我而家70中，仲有呢个状态，我都觉上天对我不簿。”

足迹踏遍全港，去过名山大川，梁荣亨讲起2023年曾到访高加索三国，而最难忘是苏联解体后两年去中亚旅行，由俄罗斯的莫斯科及圣彼德堡玩到乌兹别克，搭火车去哈萨克，最后入新疆。他提到当时用200美金买了一本苏联邮票簿，送给喜欢集邮的太太。他说：“以我咁嘅家境资源，去到咁多地方，都算系咁。”

世界那么大，没去过的地方肯定比去过的多。梁荣亨叹道：“都要放下嘞。如果好彩、个病好得返，仲有体能，咁咪去多啲，仲可以继续去。冇嘅，都无憾啦！”