力劝Scott再产行山鞋王　香港代理分析“无敌脚”成功与停产原因

邱季良（Angus）经营户外用品连锁店“Re:echo”多年，除了推广自家品牌的装备，还会代理及销售不同品牌的行山鞋。
几年前，行山鞋Scott Kinabalu Enduro被香港山友热捧，获得“鞋王”美誉，而这对鞋正是由Angus代理引进来港。当厂商Scott宣布这对鞋停产后，Angus更为香港山友争取，希望对方继续生产这款鞋，但未能令Scott回心转意。

Scott在2015年底推出鲜黄色的Scott Kinabalu Enduro山鞋，外表抢镜夺目，在欧美评价一般，有赞有弹。不过，这对鞋风靡香港市场，在本地山界一传十、十传百，获得“鞋王”、“无敌脚”、“全能王”等外号。在最受欢迎的时期，无论是跑山比赛，还是休闲行山的景点，放眼望去，很容易就会见到这对黄色山鞋。后来，Scott还推出蓝色、黑色、绿色等的款式。

负责Scott香港代理的Angus难忘Kinabalu Enduro的性能与热潮，在访问中一而再感叹“呢对经典呀”！他反问：“你知唔知呢对鞋，系我哋卖得最好嘅一对？”接着他补充：“喺Scott呢个品牌入面最好卖呢对。”

无法说服Scott再生产Enduro

Angus形容这对鞋的优势：“好叫座，有Vibram Megagrip，舒服，表现好，啲人行涧都好稳定。当时Scott设计好独特，鞋面用上胶网，保护好好，呢对系经典。”但经典成为过去，Scott已经停产Kinabalu Enduro，最后一批货亦都卖光了，鞋王绝版了。

Angus说：“我有尝试过同佢（Scott）讲：‘你再造啦！’我𠵱家开始明白，作为一个品牌要向前行，好嘅产品虽然好，但佢哋可能有更好嘅技术，另一个考量系成本，可能觉得用Megagrip有啲唔值。”他认为Scott有信心可以造到一款不逊于Megagrip的鞋底物料，所以不想再跟Vibram买。

“倾咗两季，叫佢（Scott）开啦！一来佢本身唔想开，二来要香港负责好多货，‘全部（地方）都唔要嘞，你要就剩系得你要。你要，得！揹晒个minimum（最低限额）。’香港咁细梗系揹唔晒，我后尾都冇办法。”Angus承认有为香港市场争取Kinabalu Enduro继续生产。

香港市场尽扫“无敌脚”货尾

既然无法说服Scott再生产鞋王，只好尽扫货尾。Angus说：“最后一转货，攞满晒全公司嘅仓，‘你有货就掟晒畀香港，我同你杀晒佢’，一次攞咗7000定8000对返嚟，一个香港，全部擸晒，佢仲多谢我，不过我话‘最好你再造啦’。”

当大家得知鞋王停产，那是最后一批货后，山友都纷纷大手入货。Angus形容当时的扫货热潮：“啲人真系买嚟储货，啱脚就一人买几对走。”

有没有收起几对自用？Angus说：“我收埋咗一对喺台底，我𠮶阵想揾对黄色都冇，得对绿色。”

Angus续说：“点解呢对鞋得？一来系Megagrip啲胶，第二系个‘牙’嘅设计。我有同同事分享，有啲品牌嘅grip，‘你做designer（设计师）都得啦’，是旦整几粒野落去。”

Scott之后推出的新行山鞋款中，不再使用Vibram Megagrip，而用上自家研发的鞋底物料。Angus解释Scott鞋底的狗牙设计很有心思，他说：“Scott本身造单车，山地单车好出名，佢哋研发好强。做单车方面，其中一样系车辘，单车车胎上嘅grip（鞋钉设计）好重要，谂下架单车喺山上落嚟，佢哋系用呢种技术去做鞋底。落山单车唔系咬实个地下，有时系控制住咁跣住落去。”

除了代理Scott的行山鞋，Angus的连锁店还有售卖Altra、Topo及Hoka等品牌的山鞋。“唔可以单靠晒Scott，如果个客唔钟意Scott咁咪走。”Angus说：“从零售角度，我要揾啲本身冇嘅货品，所以我就攞Topo同Altra，Hoka就系high cushioning（厚中底），都系一个潮流。”

Topo及Altra的款式脚掌位置较宽阔，适合普遍前掌阔的亚洲人脚形，但Angus说：“鞋头好大个，我个人唔高啦，著到好似麦当奴（叔叔）咁，好鬼阔。”他亦提醒，太阔的话会容易拗柴。

Hoka的山鞋近年大受欢迎，不少明星也穿这个品牌行山跑山，但Angus认为Hoka较适合老手穿著。他说：“我绝对唔建议初初行山嘅人著Hoka，系好舒服，但太高嘞，好易拗柴，你唔系行惯山，只脚唔够力，啲脚眼位，踩甩少少就好易拗柴。初去行山，特别老人家银发族，你畀对Hoka佢，路感较差，好似著弹弓鞋咁。”

Angus推介新手拣选Scott的鞋，他说：“唔同鞋有唔同好处，喺我眼中，Scott系好平衡嘅鞋款，好耐用但窄脚。佢哋定位系窄脚同埋外国人都窄啲脚，但窄脚就贴脚啲，路感好啲。”