18岁曾朗杰攀珠峰｜与雪崩擦身而过 人类自私行为比死尸更震撼
18岁的曾朗杰（Bob）今年登上8849米高的珠穆朗玛峰，成为最年轻登顶珠峰的香港人。攀登过程中，他看过死尸，与雪崩擦身而过。见到如垃圾岗的高山营地，他感叹不会再登珠峰，避免再为这座世界最高峰增添负担。见到有登山者在山顶累到伏在地上，难以对答，他亦想反问一句：“咁又有咩意思？你都冇气力去Enjoy（享受）。”
曾朗杰与父亲曾志成在2022年5月8日从大本营出发，直上2号营地，到11日上到4号营地，之后在12日凌晨摸黑上路，于当地时间早上9时35分登顶。
“好多人唔知，以为爬珠峰最危险就系登顶，其实最危险系第一日，我地由大本营直接上2号营地，唔停1号营地。”曾朗杰难忘攀登绒布冰川，他说：“成段路垂直上1200、1300米，绒布冰川系又上又落，可能中间你要落几百米再上，你要上绳、沿绳下降，喺咁高嘅环境，剩系著鞋都难。”
攀绒布冰川遇雪崩
在绒布冰川这段路，曾朗杰与雪崩擦身而过。他忆述：“因为全球暖化，𠮶个位置每日都融，虽然雪巴人会Set（设置）好Fixed Rope（固定绳），但你唔会知突然发生咩事！早几日都有雪崩，好多位都系雪崩，啲冰一融可能跌落个头度，或者成个平台瓦解。”
他续说：“我哋喺有个位休息咗十几分钟，之后行咗20分钟，突然听到后面巨响，一望转头，所有嘢都裂晒跌晒落街，后面成条路冇晒，真系好惊险。我谂返起，如果我哋留在个平台多几分钟，可能会一齐跌落去，谂返转头都几得人惊。”
过了2号营地后，攀登过程很顺利，在登3号营地途中，他与父亲曾志成开始吸氧气。他说：“中间有位特别斜，有堵上千米嘅直壁，我哋在直壁底开始用氧气，我们由2号营地上3号营地，用咗氧气行咗4个钟，如果唔用的话起码7个钟。”
登顶一刻感动流泪
很多登山者会在黄昏离开4号营地，慢慢行，希望翌日早上攻顶，但曾氏父子决定在营地休息多一点，养足精神，晚上11时半才起步。曾朗杰说：“𠮶晚有100人攻顶，我哋系最后一队。我哋知道自己队人行得快，行咗两个钟已经追到上去。”
登顶的一刻，曾朗杰与父亲击掌庆祝，他们成为首对登顶珠峰的港人父子兵。被问到那时的感受，他说：“好感动，最基本系呢个感觉，用咗三四年时间，终于成功达到，真系难以用言语表达，会流眼泪，真系有喊出嚟。”
曾朗杰专访｜非一般童年缔登珠峰纪录 攀山家父亲曾志成言传身教
“山顶最震撼嘅画面是望到大本营，见到3、4000米嘅山脚位置，望到一半上嚟嘅路程，好感动，好感恩，座山畀你喺咁好天之下上到去。”
攀山客应预留体力下山
曾朗杰在珠峰顶见到的另一个画面是，有位攀山客登顶后累到伏在地上，十分辛苦。他忆述：“我问佢发生咩事，佢应唔到我，只系不断地吸氧气。其实上到顶要搞成咁，又有咩意义？你都冇力气去Enjoy，甚至冇力气落山，危险之外成件事都冇意义。既然你决定上山顶，你要确定自己上顶后，要有力气落山。”
“啲人问点解落山咁多人有意外？就系你用晒力气喺攻顶，冇留力喺落山时用。”曾朗杰说：“上山见到死尸，唔单止得人惊，仲同你讲呢度有几危险，上呢座山系会有生命危险。好多人觉得上完山好开心，落山时跣脚就跌死咗，大部分意外系落山时发生。”
难忘“世界最高的垃圾岗”
雄伟的山峰，披上雪白外衣，卓立众山之巅，但在这幅大自然美景中，人类的不负责行为成为污点。曾朗杰有点激动地说：“上到去，好多人唔会理，结果令到4号营地被誉为世界最高的垃圾岗，真系好惨！”
“正因为咁，我唔会想劝人上珠峰，如果你去，你确保要将自己Footprint（足印）减到最少。”在这里，足印的意思是指人类登山时对环境的影响，包括开拓新的山路、留下垃圾及排泄物、生火的痕迹。
“点解有啲旅游团可以咁平？举例说，大部分人上珠峰要收50万，点解有啲公司收20、30万就可以，因为佢哋唔会理垃圾、环保嘅问题，令珠峰被污染，真系好悲伤！”
“爬到一次就OK嘞”
见到这个漂亮的地方变成垃圾堆有什么感受？“所以啲人问我会唔会再去，我话唔会，就算你自己个人减到尽，其实你每次上座山都会造成影响，爬到一次就OK（可以）嘞。”
曾朗杰及曾志成的团队落山时，不但会带走自己的废物，若果见到有其他垃圾，也会尽量顺道带下山，但他叹：“执极都好，一定执唔晒！”
18岁的曾朗杰是次登顶，打破了19岁的陈家希（Benjamin）在2018年的纪录，成为历来最年轻登上珠峰的香港人。他说：“会畀到压力我，但其实只系个名，之前纪录保持者系Benjamin，我都同佢吹过水，18岁同19岁差几远？真系细到分唔到。更夸张，我呢次系同个17岁尼泊尔少年一齐上，佢系当地雪巴人嘅仔。”
“我谂因为香港少人登山，更少人去登8000米以上嘅高山，变咗一个咁年轻嘅人上去，就自然会出咗呢个名，其实Benjamin上过更多8000米山，佢嘅成就已经超越咗好多香港嘅登山者。”曾朗杰续道。
虽然年纪轻轻已经上了珠峰，但曾朗杰认为在登山方面尚有很多目标，他还想爬多几座8000米以上的高山，又希望跟父亲曾志成爬南极最高的文森山，完成所有七大洲最高峰，他更将结合拍片与登山视为终极目标，他说：“登山唔系最终挑战，我希望爬山时可以拍片，制成讲山嘅电影。”
18岁有此成就，身边的同学朋友怎样看他的？“好多人唔会明。”
“（觉得我）系咪黐线！”曾朗杰笑言。
曾朗杰去年完成公开试，之前在马鞍山一间寄宿学校读书，为了锻炼体能爬攀珠峰，他常常下课后跑马鞍山村路上山，时间充裕的话更会上马鞍山山顶。他笑着说：“我𠮶阵都有谂过约朋友一齐操，但我担心约咗一次，大家会反面唔同我做朋友。”
登山培养坚持与独立性格
不过，曾朗杰发现，在他的薰陶下，更多身边朋友对行山产生兴趣，发现香港有很多地方可以欣赏及探索，不只是去市区行街。他说：“每次我哋行山，佢哋都话‘容易啲啦’，我真系每次都拣容易路线，但喺佢哋眼中‘你爬过珠峰，你嘅容易同我哋嘅容易系咪唔同’。”
他6岁开始登富士山，13岁起挑战七大洲最高峰，18岁完攀珠峰。与曾朗杰行大帽山及访问的两小时，感觉他拥有一份超出同龄人的成熟及冷静。
“好多人都咁讲我！”
但他绝不是个严肃的人，爱说笑，喜欢看超级英雄电影。
他认为登山培养到的是坚持与独立。
“虽然爬山系一队人，但唔系爬8个钟都同你倾足8个钟，可能有6个钟系自己一个，你要保持同自己讲‘唔好放弃’。某程度上，我比起朋友更独立，我会更多时间一个人行山、温书，做自己钟意做嘅事。”
与他行到大帽山一处观景台，遥望山下的锦田。他说：“细个成日嚟大帽山，有时城门水塘上，有时大埔上，好多训练时间都经过大帽山，最难忘系落山总系望到屋企。我屋企系对到正，一望上去就系大帽山。”
“可以放低城市生活，追巴士又追𠮶样，放低压力。好Peaceful（平静）嘅感觉，系一种Escape（逃离繁嚣）。”
无论是珠峰还是大帽山，相信这个就是曾朗杰喜欢山的原因。