《 淘宝小资女 》懒人推介来啦！淘宝套装一次看！
次次睇小学姐介绍淘宝店舖，有冇边一间比我烧中左既呢？但系小学姐有一个问题就系我钟意睇人地配好晒跟住再成身一齐买，讲咁多小学姐都系懒姐。所以今次小学姐要介绍嘅就系套装啦！
1）多美啦的店 (4个蓝皇冠)
呢一间铺头种类繁多，型格风斯文款都有，而且佢呢一间每日都会上新货，价钱平均系¥45至到¥75左右。而家店舖优惠7月15至到7月17，每满¥200减¥10。
👉立即进店逛逛👈
收腰吊带裙连衣裙两件套 ¥115.88 (原价¥119) (已下架)
小学姐第一眼望到呢一套嘅时候，即刻谂到对鞋一定要衬番对型格既老爹鞋！长身款嘅T恤已经将身上所有缺点遮晒，再配番一顶画家帽，一款型格嘅斜孭手袋！而且黑色马甲平时都可以分开着，入边着件紧身长袖衫，再亲牛仔裤都好好睇㗎。
西服高腰阔腿裤两件套 ¥135.98 (原价¥158)
夏天其实有时都好想着西装款嘅嘢，呢个时候其实麻棉质料都系一个好选择。而且麻棉料会比较休闲，唔会太过正式，比较随性所以适合日常穿着！而且重点系佢7分嘅袖款，唔使特登卷上去着。短裤后面做番个橡筋位，乜嘢size嘅人都着到，高腰嘅裤型显得只脚线条修长。
２）大Sim小Sim小清新 (3个金皇冠)
呢间店舖正如个名一样比较小清新，所以款式都会比较有活力。其实除咗今次介绍嘅套装仲有好多其他款式大家，不妨揿入去睇下。好多人买过所以信誉良好，而佢哋亦都系实物拍摄所以货品有一定嘅保证。
👉立即进店逛逛👈
露脐短袖针织衫显瘦短裙两件套 ¥59.9 (原价¥79)(已下架)
想显露身材嘅话一定要拣呢一个款，而且价钱超级抵，只系60人民币就可以买到两件衫。A字裙每一年都可以着到，上身就算分开咗着着返牛仔短裤都一样得。而且中间V领有一个抽绳位，你想肚脐露几多就抽几多。小学姐觉得呢一种基本款非常值得购买。
西装套装 ¥78.89 (原价¥88.9)(已下架)
上面介绍咗麻棉嘅西装套装，点可以少得雪纺料套装。雪纺嘅布料会比麻棉质料平少少，所以呢一套只系¥70几，就有一件雪纺西装外套同埋高腰短裤，小学姐真系即刻心心眼，而且杏色真系好好睇，就咁衬番白色嘅T恤系入边再加对帆布鞋，做番一个Q版金秘书都好呀。
３）kumayes (3个金皇冠)
又一间信誉良好嘅淘宝店，呢一间比较多背心同埋净色嘅款，换言之花纹类型嘅唔算太多，仲有手袋同鞋买𠻹！𠵱家买满¥269可以减¥20，最高买满¥359可以减¥30！
👉立即进店逛逛👈
背心短袖短裤针织三件套女潮 ¥69.9 (原价¥79)(已下架)
究竟系咩野可以¥60人民币就一次过买到三件衫呢？答案就系呢度！而且呢一件嘅面料系硬挺有型嘅针织棉，不会软塌塌的，仲舒适透气𠻹。有齐背心短袖同埋短裤一套，$60唔系唔落手呀嘛？
套装两件套翻领上衣Ａ字裙 ¥59.9 (原价¥69)
小学姐知道近排韩国流行番学院风，好多娃娃领水手领嘅款，而今次呢一个套装只系¥70！就咁单睇件衫已经值番成个价钱。而且店铺好好，有晒尺寸表畀你地睇。
4）奕嘉韩版女装(1粒钻石)
这一间淘宝店铺攞货嘅地方其实就系大多数人都会去嘅批发市场，但系佢嘅价位会非常之贴近批发价，所以如果喺呢间淘宝店见到喺街见到嘅款，一点都唔出奇，因为大家攞货嘅来源可能都系一样嘅。
👉立即进店逛逛👈
套装背心上衣+裤子 ¥95
小学姐好钟意阔腿裤，原因系小学姐系一个粗脚病患者，所以阔腿裤系可以修饰到我脚型嘅救世主。今次呢一款就比较休闲，衬番凉鞋都冇问题。而且蓝色非常之衬夏天，配对白色凉鞋同草袋都好好睇。
套装短袖方领上衣+高腰Ａ字半身裙 ¥85
一讲到夏天就会谂起野餐，一讲到野餐就会谂起格仔图案，而今次呢款蓝白格仔图案唔会太花巧，仲好小清新𠻹！但系记得最好着嘅时候要以白色嘅鞋袋为主，唔系嘅话就会太多颜色系身上面㗎喇。中长裙款亦都可以遮到下半身，重点系唔使烫！
５）LOVEHEYNEW (3个金皇冠)
最后呢一间系我非常之钟意嘅淘宝店舖。第一就系佢每一日都会有新款，而且佢哋非常之用心去拍摄相片同埋排版，全部实拍得来又好有佢哋嘅风格。喺呢度咩风格都可以揾到，种类亦都非常之多，饰品手袋鞋款样样都齐，而且重点系价钱平均系¥45至到¥69！
👉立即进店逛逛👈
小碎花半裙闺蜜款一字肩上衣长短裙套装 ¥45.9-55.9
呢个碎花图案真系好靓，可以系呢一套套装上面见到清丽脱俗四个字，有短裙或者中长裙选择，仲可以同闺蜜一齐买，去旅行就啱晒啦！如果唔想全部都同闺蜜一样嘅话，大家可以着返背心或者T恤喺上面，剩系条裙一样都可以！
格子马甲长裙两件套套装 ¥89.9
如果你系走中性文青风，呢种英伦格仔图案就好适合你啦学妹！讲咗件马甲先，可以着平时日常嘅T恤，衬返阔脚牛仔裤，再配一个帆布袋同黑色帆布鞋。中长裙亦都可以配番女人小小嘅lace上身，配一个黑色手袋，一对平底鞋。一个价钱两件，但系可以衬到好多种唔同风格！
(产品资料以最新官方发布为准)
(文章纯属作者个人意见，不代表香港01立场。)