《 淘宝小资女 》看了这几家淘宝店后 又要准备腾空衣柜啦!
上一次系5间低价精选淘宝店舖(1)已经分别同大家介绍咗5间精选，但小学姐知道5间根本满足唔到学妹们，所以今日就再同大家介绍多5间啦！未睇第1集个5间嘅学妹们，就快点去睇番啦！睇到最后仲有小学姐嘅小贴士啊。
商店1
陆小团团 imimtuan (4个金皇冠)
呢一间店舖相信大家第一眼都会同小学姐有共同感觉，哗好文青好可爱啊。无错，当初小学姐都系咁样被吸引，佢地店舖全揾模特儿出外景拍摄，睇得出好用心，小学姐买过几次，实物同照片差别不多，发货速度都好快。今次小学姐拣咗两款基本款，系佢地嘅热卖款，其实佢地仲有好多好特别嘅花裙等等，不妨揿入去望吓。
薄款针织衫女复古甜美上衣 领券价¥44.9
一到夏天听到针织衫就会觉得好热，但系又唔想着普通嘅T恤咁无聊，呢件就合晒小学姐心意，透气针织既面料，夏天唔会觉得闷热，而且款式百搭得嚟又简单，着多几年都冇问题！就算系小清新嘅学妹，定返紧工嘅学妹都好，只要下身加点心思，就可以着出不同效果啦！
法式气质显瘦连衣裙两件套 领券价¥83.2
小学姐都有几日系会特别懒惰，所以会特别想着连身裙一件头就算，但系始终连身裙嘅韩风同hea只系一线之差，往往要系妆容或者饰品上花点心思。所以选择连身裙时小学姐会拣有花纹又或者特别嘅布料。呢种蕾丝布就一定实无死，再讲年年夏天一定会有白色蕾丝单品，长期流行！任何一个学妹着上去一定会显得更加温柔，再衬番个斜背包，咩饰品都唔洗就已经足够了。
商店2
elina sea 最小的海 (4个金皇冠)
今日介绍嘅都系有信心保证的店舖，呢一间虽然价钱唔算好平，但系对于款式同质料来讲呢个价钱算系比较公道。小学姐之所以俾佢吸引到，完全系因为佢既排版同配色好靓，冇错小学姐就系咁肤浅，但系一间咁有诚意，咁用心去制作嘅淘宝店，小学姐系非常欣赏的。而且佢袋鞋饰物乜都有，随时一个唔小心加入晒购物车都唔出奇。
甜美温柔纯色V领轻薄长袖上衣 领券价¥54.9
小学姐觉得就算系夏天都可以着恤衫，只要将个袖口卷上去变咗中袖，就会有少少随性感觉，再加返一条阔脚牛仔裤，做番个有种成熟少少嘅中性文青。佢个V字位可以再配番一条幼身颈链，突出个锁骨位，带点小性感𠻹！
夏季休闲风纯色高腰百搭直筒西装裤 领券价¥64.9
今年韩国最流行嘅阔脚裤就系要去到脚眼位咁长，当然如果学妹们有一对比较厚底嘅波鞋会更加好睇。阔脚裤唔使多讲，近几年都非常之流行，对于下身肥胖嘅学妹们阔腿裤系最好嘅选择，而长度方面长到落脚眼位可以令到只脚更加修长同埋直身！呢种西装裤最好衬番件恤衫，或者我之前介绍嘅针织短袖都可以㗎！
商店3
Muzly 韩系女装 (1个金皇冠)
呢间系今日介绍中最平嘅一间，虽然佢唔系实拍，但系都不妨可以睇吓人哋买完嘅评价，有啲人会放番件衫嘅实物相喺留言到，有好评差评自己衡量啦，不过所有商品都有晒尺寸表，所以可以跟番尺寸表去度返自己个身型。小学姐买过1次，实物都同相差不多嘅，要赞佢嘅就系卖家好有效率！
简约复古工装风系带短袖连衣裙 ¥55
近年都比较兴起呢种成熟女性风，西装领嘅连身裙，畀人感觉就系好似职场上嘅女强人一样，简单快捷俐落，全部都系呢条裙都体现到出嚟。而且腰带喺正胸下方，静悄悄地升咗一cup都冇人知。但系呢啲风格又唔一定要着高踭鞋，其实一对slippers都可以着到休闲嘅风格。
韩国复古小碎花女生收腰系带连衣裙 ¥49.8 (已下架)
小学姐自己都有入手呢一条连身裙，所以一定要同各位学妹介绍。首先好钟意佢呢个碎花，就算望耐咗都唔会觉得好老土，畀人一种小清新嘅感觉。而佢嘅中袖设计系我最钟意嘅，可以遮晒小学姐嘅麒麟臂，而且佢嘅腰线位比较高腰，抚平咗我嘅肚腩，侧面嘅视觉效果100分，所以可以话呢一条新裙系超级显瘦！我多数会配番一对白色帆布鞋同布袋，将成条裙嘅感觉变得冇咁隆重。
商店4
馨帮帮sinbounboun (5个金皇冠)
呢一间系成日令我发现有好多唔同风格同埋着法嘅淘宝店，佢哋非常拿手配搭，而且款式都好特别，偏向韩国中性型格风。小学姐要赞一赞嘅就系佢哋嘅包装全部都系佢哋自己设计嘅，所以你会觉得好似真系买紧佢哋自家品牌咁样，当然系唔系就自己谂啦！𠵱家佢哋有得领券，最高买满309人民币可以减30蚊㗎！
夏季百搭韩版显瘦高腰牛仔短裤 领券价¥44.9 (size S-XL)
小学姐成日觉得牛仔裤好难买，特别系要喺淘宝买牛仔裤，真系有阵时要中伏中好多次先会有一条啱自己心水。但系呢条高腰牛仔裤我谂就一定无问题。事关佢有实拍，而且佢仲有影片比大家睇𠻹。而且呢个价钱嘅牛仔裤，值得博一博嘅。
V领交叉修身纯色短袖T恤 领券价¥31.6 (size S-M)
虽然我介绍呢一间野嘅时候话佢有好多特别款，但始终人人眼光唔同，所以小学姐都系决定要介绍番比较basic嘅款畀大家。头先佢个版型唔拣人着，而且睇得出佢个质料好舒服，仲有分细码同中码畀大家拣，入手两只色系基本啦。如果想知有咩特别款就自己揿入去条link度睇啦。
商店5
Picky Girl 挑剔的女郎 (2个金皇冠)
呢一间价钱中等，系非常之睇佢嘅款式同埋质料去定价钱。款式非常之多偏向lady同girly。小学姐之所以收藏呢一间店舖，系因为觉得佢啲相影得好清晰，光线又够白，清晰度连个质料系咩布料都睇得好清楚，所以就算佢只系着上dummy到，冇真人实拍我都仍然好放心。𠵱家可以领券，满149人民币可以减$10。
韩版宽松短袖T恤 领券价¥43.95
小学姐经常着oversize嘅T-shirt, 但系下身永远着牛仔裤，见到佢张相衬咗条格仔裤，就觉得成个感觉变咗英伦风格，不自觉谂起啲鬼妹着住格仔裤，再坐喺草地𠮶个画面，再加一副金丝眼镜。
气质V领收腰连身裙 领券价¥83.91 (已下架)
最近爱上咗黄色格仔花纹，可能因为夏天影响，小学姐都钟意着啲颜色鲜艳嘅衫。而呢一款连身裙有条绳可以做番瘦腰效果，换句话说系咩尺寸都可以着到的啊。就算出去旅行都一流！
淘宝小贴士:
小学姐有一个习惯，就系买淘宝之前一定要问吓个买家有冇现货，同埋可以几时发货。通常佢哋会比一个指定时间你，例如佢应承你48小时内会发货，但当过咗48小时佢仲未发货嘅时候，小学姐建议你申请退款啦，因为再等落去都唔系办法。第二个情况就系如果个买家迟迟都唔覆我嘅话，我会好怀疑佢间铺头嘅效率有几高，所以都唔会畀钱住㗎。记得各位学妹们网购要保障好自己，唔好畀咗钱但系迟迟都未收到货啊！
(产品资料以最新官方发布为准)
(文章纯属作者个人意见，不代表香港01立场。)