《 淘宝小资女 》淘宝Items也能有型有格 打造个人风格的淘宝店！
小学姐呢排仍然不断向你哋分享我收藏嘅淘宝店，喺今次呢一篇入边，唔单止系平价服装，仲添加埋平价饰品𠻹啊！当然唔高质既小学姐唔会介绍。用低于100蚊去打造个人风格，话都冇咁易啊！
商店1
痞子的马子的痞湾 (三个蓝皇冠)
第一眼已经俾佢个版面攻陷左，用最简单嘅黑白色去呈现出型格嘅风格，全部都系实物拍摄而且拍得好有feel, 再望望个价钱有啲袋款50蚊都唔洗，二话不说已经收藏咗。买完之后觉得佢真系好平好抵玩啊！题外话，小学姐第一个印象就系究竟佢个名点样读，用番普通话咁读同急口令好似。
防水百搭褶皱斜孭帆布袋 ¥68
小学姐觉得黑色或者系白色袋系最多人既选择，因为颜色大路而且安全，好多人都会就咁拣一个纯黑色袋。但系单色又好闷，所以真系好睇个袋本身有冇其他特别做工又或者系花纹。而今次呢一款佢做咗一个特别嘅车线令到佢有几何图案嘅形状。而且佢仲系防水物料𠻹，啱晒香港而家雨季用啊。
复古百搭流苏斜孭袋 ¥67.15
以前有一段时间为云石图案嘅单品疯狂过，但系都后期大多数出嘅云石图案都系基本上黑白色冇乜特别。但系呢一款手拿包就唔同啦，虽然佢系云石花纹但系佢混入左唔同嘅颜色，令到同大自然嘅石头真系好相近，钟意特别花纹既话，相住呢一款已经烧到你了。
商店2
DRESSBA (两个金皇冠)
有睇前两篇嘅学妹都知，小学姐钟意光线好足，影相好清晰既店舖。呢一间都系一样，不过佢比其他舖多嘅系，佢有埋影片系开头去介绍件衫同埋会讲解下点衬，呢一点小学姐系非当欣赏的。而家店舖优惠最高满398可以减20蚊人民币!
街头风随性格纹恤衫 ¥59.9
一去到夏天就好想着小背心，但系手臂𠮶旧肉又太显眼，呢个时候小学姐一系着防晒衫一系就着恤衫。但系当然啦冬天嘅恤衫好厚，所以我会选择麻棉质料嘅恤衫，个袖卷上去去变成中袖咁着。而小学姐就偏偏唔会选单色，钟意着有图案嘅，咁样衬咗喺出边当外套着好似有用心打扮过咁嘛。
复古不规则撞色碎花雪纺半身裙 ¥55.9
小学姐最近爱上左绿色配杏色系，因为呢一只色就算你皮肤白或者黑都可以着到。而且今年韩国𠮶边都好兴呢一只抹茶绿色，好钟意连T恤都系绿色系咁样成套衬，不过如果有学妹唔钟意绿色嘅话，呢条高腰鱼尾裙仲有粉红色同黑色选择。最怕长裙条腰修得唔靓，特别系橡筋腰，小学姐宁愿买大几个码都要条腰岩岩有贴，要小心拣橡筋腰嘅裙喔！
商店3
TANSSHOP (五个蓝皇冠)
小学姐好后悔点解当初中学毕业graddin嘅时候发现唔到呢间店舖‥‥‥ 如果当初发现得早，就唔使去大牌子𠮶度左揾右揾，仲要揾到条同人撞款嘅连身裙。一世人得一次，唔好花多几百蚊去买一条会令你大个睇番后悔嘅连身裙，呢一间铺头价钱相对比较低之外款式亦都多，而且佢嘅裙款亦都好特别，一定唔会同人撞款。
TANSSHOP 一字膊喇叭袖连身裙 ¥105
如果你系想遮下半身嘅，不妨将自己最瘦嘅肩露出来，长裙设计亦都遮晒下半身，配番对高踭鞋，脚眼部份完全睇唔出系下身肥胖者。有好多颜色可以选择，其实如果小学姐从头来过，我一定会选择呢一款，再加一个手拎袋。
TANSSHOP 镂空蕾丝连身裙 ¥69
如果你嘅身材系你最大嘅优点，可以选择呢一种贴身款，佢贴身得来唔会太过性感，反而显得好高贵。蕾丝设计几多年都唔会厌，之后睇番呢条裙仍然系会觉得当时冇拣错。而入肩设计款亦都比吊带有气质得多。
商店4
薇薇自制女包每日定时 (三个金皇冠)
如果你想揾又平又实用嘅袋嘅话，呢间淘宝店你一定要收藏！事关佢有好多唔同嘅袋款，有容量大嘅购物袋，亦都有小型嘅斜咩袋。最抵嘅就系佢可以用50几蚊嘅价钱买到一个同韩国代购质量差唔多嘅袋！
链条斜孭单肩袋 领券价¥40
第一个介绍嘅就系呢个小肩包，首先佢嘅配色好靓，如果你着开大地色系或者白色系既学妹，用番一个拼色袋点缀下，绝对会为你今日个造型添加一份美感。你亦都可以用呢个袋嘅拼色去衬托番你今日服装嘅颜色，咁样整体就会有个连贯性喺度。而佢最特别嘅系佢有两款肩带可以换住黎用，只系45人民币就包咁多嘢，唔抵就奇啦。
简约百搭斜孭袋 ¥44
小学姐觉得除咗帆布袋之外，容量最大嘅就系水桶袋。但系水桶袋因为佢系圆身，所以有时咩起上嚟走位走得好利害，好难同个身贴到实。呢款佢系比较扁新嘅水桶袋，所以佢唔会有我啱啱讲嘅问题之外容量亦都非常之大，最适合要拎晒成个化妆袋出街嘅学妹，而且佢有得拣手玩同埋斜肩，又一个$50力作！
商店5
WENA STUDIO独立设计 (四个蓝皇冠)
呢一间舖比小学姐嘅感觉就系非常之简约清新嘅，模特儿全部都唔会出样，剩系放件衫嘅相喺度，畀人一目了然嘅感觉。而且佢哋嘅衫多数偏向奶油色系多，好笑黑色 深色嘅衫。
宽松绑带露背衬衫 ¥68 (已下架)
讲到简约清新嘅，一定少不了净色嘅上身。但佢哋就会加多咗个露背设计，令到单色不再沉闷。中袖嘅设计可以隐藏拜拜肉不单止，更有显瘦嘅功效！令到你手踭以下嘅位更加瘦！露背设计带返少少小性感，另外配一条阔脚裤就会变咗好日系嘅感觉！
荷叶边V领碎花雪纺衫 ¥59.9
成日觉得碎花好花巧的话，可以拣番单色嘅碎花系。即系碎花图案剩系单色，咁样个感觉就会冇咁花巧而且主色会更加突出。而ruffles嘅v领设计，不但可以偷偷地升cup，而且仲可以突显锁骨位。当然如果学妹们唔想咁低胸嘅话，自己喺个v位加翻1针做固定嘅都可以～ 属于夏天嘅浅蓝同浅黄色，配合番草藤嘅饰品同凉鞋，准备好出走了！
(产品资料以最新官方发布为准)
(文章纯属作者个人意见，不代表香港01立场。)