《 淘宝小资女 》女生5大精选淘宝店舖 $100内成套配搭无难度
一到夏天，除咗谂起阳光与海滩之外，新一季入手一批新既衫都好重要！但出到街，闲闲哋一件衫都要百几二百蚊，对于一边想要存钱但又想买新衫嘅小资女黎讲，淘宝系最佳选择啦！由小学姐带你地去淘靓衫去渡过呢个夏天啦！
【商店1】
RENA小舖 (四个金皇冠)
佢系今日介绍嘅淘宝店中价钱较平既，冇模特儿示范穿着，但全部都系实物拍摄，拍得都算清楚，仲可以见到衣物嘅质料，部份连身裙仲唔超过$39人民币𠻹啊！仲要两件包内陆邮添。 (香港运费另计)
RENA清新气质白色短款娃娃衫 ¥36 +百搭复古高腰休闲格仔短裤 ¥39.9 (S-M码)
想要100人民币内买到成套不是梦！上身再加下身100人民币仲有找啊
呢间最大既好处就系成身配搭唔使自己谂，佢好多时都一套套配好晒，分开拍都可以加，着闷咗条格仔裤，咪衬翻一条牛仔裤，一样好睇!
RENA夏日小花朵吊带连衣裙 ¥34 + 抽绳长袖针织防晒衫 ¥37
呢条蓝色连身裙修腰修身不单止，而且花纹仲有显瘦既视觉效果𠻹！贴身嘅平口设计带比人一种法式浪漫，再加对白祙同白皮鞋感觉又会变咗韩风，可以话系形像百变！
【商店2】
小女王韩国女装 (四个蓝皇冠)
呢一间连身裙较多价钱亦都唔贵，适合偏向girly嘅学妹。
而且有好多碎花items，今季大热啊！
佢全部商品既图片都有排过版，清晰又统一，好易睇得明！
收藏店舖可以享有$3人民币优惠券！
高腰A字裙波点雪纺半身裙 ¥39.9
夏天点少得颜色鲜艳既单品呢？柠檬黄再加上白色树叶图案，为你成身嘅打扮增添不少夏日气息。上身衬番普通T-shirt, 又或者系冷线质料嘅衫都可以，不过最好就净色为主啦！
法式洋气雪纺连衣裙 ¥59
想做夏日女神，点少得一条全白色嘅连身裙，仲要做埋V领设计，令到个人气质大增，仙气不断！
配搭返一条颈链同埋幼身手表，想唔女神都几难啊！
【商店3】
Thank You黄不烦 (2个金黄冠)
呢间虽然无外景影个d咁靓，不过佢啲相赢就赢在整齐，都算靓靓囝囝咁，小学姐买过一次，
相片同实物都冇咩出入，价格最低由29人民币到69人民币都有，偏韩风嘅学妹们应该会钟意！
关注店舖仲可以领取$3人民币
黄气质印花短袖T恤 ¥29.9
趣味图案嘅T恤都只系$30人民币 如果你有特别嘅下半身款，买一件T-shirt返嚟衬都系不错既选择。
压褶设计格仔裙+学院风可拆卸蝴蝶结衬衣¥55 (S-M) (已下架)
呢一个款系套装嚟，只系55人民币咋 仲要系复古嘅格仔花纹
就算分开来单衬都系超级抵买啊！恤衫仲可以开楼当外套着𠻹
再孭返一个白色帆布袋同一顶cap帽，就行得啦!
【商店4】
佢地影既相全部都外景拍摄，对比好多淘宝店佢呢间啲相已经赢咗好多，周不时会见到佢外景喺香港拍摄，而且佢多数会搭晒一套套，好有个性，偏向休闲风同中性嘅学妹们留意啦！满99减¥5，满199减¥10！
法式两件套气质百褶裙套装 ¥99.99 (已下架)
呢一个套装款嘅装饰元素非常之优雅大体，复古气质不断，裙款系A字型嘅百褶裙，非常显大腿线条。而且佢嘅钮扣系不同款式嘅金属钮嚟㗎，简约得来又有个性，衬对皮鞋仔都好靓！
条纹T恤短袖上衣 ¥69.99 (已下架)
呢一款系小短款会露肚脐，着返高腰嘅裤仔就可以啦。版型系普通T恤款，所以个个都会啱着，而且佢最值得推介嘅就系佢唔会咁容易皱，啱晒小学姐呢个懒人!
休闲款式当然要衬返裤仔啦，其实衬条白色雪纺短裤都几靓㗎，又或者想做女神风就白色长裙啦!
【商店5】
fromlala瘦竹竿 (2个金黄冠)
店舖全部都系佢地自己实拍㗎，而且都拍得好清楚，细致位都影得好仔细，尺寸表同近图都有！价格平均¥49到¥79左右, 风格由学生妹妹到翻工OL都适合。
满199仲减¥10，最高满299减¥20！
清新小雏菊半身短裙 ¥59.46 (已下架)
夏天出街紧系要同闺蜜一齐出去影相，点可以少得闺蜜装！一人买一个颜色，上身再衬唔同颜色嘅T恤，两个拖住手喺公园到影返一辑相，今次真系同阳光玩游戏啦！
夏季修身褶皱感短袖上衣 ¥55.33 (已下架)
呢一款放靓嘅碎花比较甜美斯文，最适合啲白白净净嘅女仔，再扎番一条辫，
夹番一个珍珠夹，无论你下身衬啲乜嘢，碎花上身已经将你嘅甜美气息显现出来，再喺Cafe配番杯咖啡影相，Chill !
当然啦各位精明嘅学妹们，买淘宝之前一定要睇吓铺头嘅销售量同埋买家评价先好入手啊，唔系嘅话买咗伏野就唔好啦！
淘宝小贴士：领券入门版
其实天猫有好多商品都可以领内部优惠券，不过需要用到微信查询先领取到，对于淘宝领券入门班既学妹们，今次介绍一个简单嘅领券方法！(注意并不是每间都可以领喔)
先将宝贝加入购物车后，你会见到右上的领券字眼，揿完会有领券显示，唔理三七二十一拎咗先算，记住领券只可以领取一次，结帐嘅时候就见到减咗嘅金额㗎啦！
想知道进阶版嘅话记住留意下一篇网购攻略！
(产品资料以最新官方发布为准)
(文章纯属作者个人意见，不代表香港01立场。)