【施政报告2019】茶果岭村民：港英年代已讲拆村　不信林郑会做到

行政长官林郑月娥于昨日（16日）发表的施政报告中提到，将会发展市区三条寮屋村－－茶果岭村、牛池湾村和竹园联合村。当中茶果岭村由于住户人数较多，约有300人居住，约四分一土地属私人拥有，有475间已登记寮屋，处理上相信非常复杂。
《香港01》记者昨傍晚到现场了解，不少老居民闻施政报告有意收回土地时，笑言“讲咗成100年 ，日日都讲㗎啦”，又说“个个特首都话要来收架，收到你咪收！”村民认为政府再次声言要收地发展，形容是“天方夜谭”，主要原因只有一个，“次次一埋门倾，问你将我哋安置去边，永远都冇计划，点样信你呢？”

你咪收啰！港英政府都做唔到，个个特首都做唔到，我就唔信林郑月娥做到啦！

▼2019施政报告懒人包▼

“细细个就话要清拆，讲到老都仲喺度”

位于油塘及观塘中间的茶果岭村，有过百年历史，为政府今次施政报告中提到的三个寮村中面积最大，最有规模，村内有寺庙、祠堂、乡公所等，不少建筑物用铁皮搭建，部份则为石屎屋，环境上比较牛池湾村理想一点。村内居民多数为住上数十年，昨晚晚饭后不少人一同坐在祠堂附近谈天说地，左邻右里相处多年，感情深厚，部分人前舖后居。

有老村民闻言清拆该屋村，直言“细细个就话要清拆、要搬走，讲到老都仲喺度。”其中一间超过50年的士多，老板罗先生甫出生已居住茶果岭村，子女早已出身，对于林郑月娥提出拟收回茶果岭村寮屋地发展，他跟一班街坊高谈阔论，“你咪收啰！港英政府都做唔到，个个特首都做唔到，我就唔信林郑月娥做到啦！”有居民路经闻言后说：“每人畀一间会德丰私楼，我哋咪走啰！市区有咩地方畀我哋呀？”

村民：梁振英落嚟话搞重建　结果sorry咁走

罗先生说，茶果岭村的地契复杂，要作分类、赔偿有非常大的难度，“个个都喺度大嘅，有啲有私人地，有啲系以前霸返嚟，有啲系公家地，呢度情况同元朗啲地有啲相似。元朗𠮶啲都收唔到，呢度点做呢？”他强调每个村民都不是怀有恶意，只要做好安置，收地绝无问题；但每当谈到要原区安置，历届政府均耍手拧头，未能成事，“你叫我住开九龙东，搬入东涌咩，仲要人生路不熟，我哋几十岁人，呢度个个都识嘅，点会想突然间想分开呢？当日（前特首）梁振英大大声话要来搞重建，仲亲自落嚟揾我地，俾我哋讲完几句，咪sorry sorry咁走！”他指今次林郑月娥指花10年便可完成，质疑其可能性。

他又表示，港英政府年代，曾有官员到茶果岭寮屋区视察，谈到不同方案，最后因为处理繁复而搁置，“佢哋就真系有计划嘅，起码会讲得出先有临时房屋、恩恤政策，但呢几届特首，只系讲话要点样收地，完全同我地倾安置问题，咁点样去做呢？”

村民：庙、乡公所、龙舟船不能拆　

于村内居住60多年的吴先生，早年在家中经营云吞面店，近年身体较差，改为经营士多，出售饮品零食。他说，村民大多数不太介意清拆，可是政府每当倾谈安置问题上，往往出现问题，不能成事，“我有印象系（首任特首）董建华都有讲过话要清晒啲寮屋，最后咪做唔到！今次又好似认真咁，之前又见有人嚟揾我啦，问过意见，我而家估唔到佢系咪真系做到啦！”

他又表示，除了安置问题外，茶果岭村有多个历史传统，每逢大型时节又有活动，要处理当中问题不少，“最起码你冇理由拆咗个庙，我哋又想保存返乡公所去开会，倾吓每年嘅传统活动，仲有我哋个好有历史嘅龙舟船，亦都唔可以拆⋯⋯”似乎要处理的问题相当多，因此居民对施政报告中会清拆百年屋村，众说纷纭。

政府料可建3000公营房屋

茶果岭村拥有超过400年历史，建于清初，拥有天后庙等历史建筑，早年是客家人聚居地方，至今居民依然繁盛，每年举办鲁班诞、天后诞等传统节庆，成为香港的特色；施政报告中提到，茶果岭村有约四分一土地由私人持有，消息人士估计发展年期较长，但可建公营房屋单位逾3,000伙。