【撑场】留好印象、咪乱问私人问题 5招教你社交场合识真朋友
【文章原刊于01撑场，欢迎下载香港01 app，与星级作者一同讨论喜爱话题。】
文：Sam Law
相信大家都去过好多社交活动（networking events），系唔系每一次去呢啲活动都用咗你大部份的精神和精力？去社交活动嘅作用同埋好处，大家都知道，唔需要喺呢度多讲。但系，点样做先可以令你的交际成果更成功？笔者也参加过许多社交活动，相信我，这些活动真的耗尽了我当日所有能量，因为需要表现100％的自己，希望识到愈多人愈好。毕竟，建立关系都需要很多努力和工夫吧！
经过了多次“失败”后，今次想和大家分享五个技巧，希望可以帮助大家大大提升在社交场合时的沟通能力。有睇过我之前的文章的朋友，都明白如果你想建立一个好的关系，first impression is everything：
唔好畀人觉得你去系为咗收集名片。
唔好因为缺乏自信心，觉得自己比唔上活动里的其他人，冇嘢可以贡献。
唔好畀人觉得你喺度hard sell自己。
最后，唔好畀人觉得你系度拣（cherry-pick）倾计对象。
如果畀人呢啲印象，应该都唔会识到好多朋友，不如返屋企算啦。
我以前有晒以上所讲的所有行为，每次活动结束回家后，我都会计算我桌子上的名片数量来评估“我的表现”。数字愈大，就愈沾沾自喜，𠮶晚就瞓得愈好。几天后，通常会再次看这些名片，尝试回想起那个人的谈吐、性格、背景和当日谈话的内容。如果有任何有建设性的follow up ，会主动联络他们。
其实，因为当日交谈的内容很表面，建立的关系不深，所以乜嘢都唔记得。（咁我知道佢哋嘅职业系咩嘢，因为攞咗佢哋嘅名片！）所以任何follow up 的 email 都是非常机械式的，冇乜深度，因为冇乜嘢讲：
嗨，很高兴当日结识到你……有冇兴趣再安排一个时间继续倾计？
如果连收email𠮶个人都唔记得你系边个，佢哋会点做？当然系当你系陌生人唔理你啦！
最后得出的结论是，我的社交失败。直接啲讲就系浪费咗自己啲时间。
所以我开始阅读很多关于沟通技巧，networking的书籍。我甚至请教过搞这些活动的organiser，问他们建立关系和社交技巧的要诀。
我现在把所有学到的技巧在这里送给正在阅读的你。
1. First Impression is everything, yes!
对一个人的印象和睇法可以在五秒内形成，不幸的是，不论这个印象是对或错，都不是你可以控制的。因为你的大脑会不停地把你看到的人物、事件和信息分析，去形成一些睇法和形象。人的面貌、衣着打扮、身体语言、甚至面部情绪都可以影响你大脑帮你形成的形象。所以如果你衣衫不整、愁眉苦脸，冇自信唔想讲嘢的样子，其他人看得出的。见到你咁样，都唔想接近你和你交谈。
咁应该畀人一个咩印象？
Sam's Top Tip：下一次在社交活动时，挺直胸膛，主动有信心咁去同人倾计，唔好再企喺度等人接近你。当你say hello 嘅时候，畀一个好坚定好 firm 的握手，双手唔好插袋，比少少笑容唔好木口木面。记住讲“pleasure to meet you”，望住人话畀人知你很高兴有机会和他对话。咁嘅first impression 就完美，之后倾计都会舒服啲。
2. 先对人有兴趣，其他人才会对你有兴趣（Be interesting to be interested）
如果你对其他人的背景、专业和故事都不感兴趣，咁就唔好要求其他人对你有同样嘅兴趣。有建设性嘅对话嘅意思就系，你同人分享几多，人哋就同你分享几多。当然好多人唔会在社交场合里分享自己的私人生活，这是正确的。因为老实讲我都唔会，因为我都唔识你！所以唔好问人哋结咗婚未，生咗几多个小朋友，赚几多钱同埋住喺边。谂真啲，人哋系社交场合问你呢啲问题你都会觉得唔舒服唔想答佢地。
仲有唔好不停咁讲自己嘅事，你嘅人生大计——Not interested！
其实个概念好简单：
“你想人哋点对你，你就应该点对人——Treat people the way you want to be treated”
我同意有时候真系可以冇嘢讲，然后唔小心问咗啲私人问题，明白。但系，如果你对其他人的背景和故事有真正的兴趣时，我唔同意会冇嘢讲。
我曾经喺社交场合同一个做银行嘅人交谈过，谈话中我发现他是一个对潜水好有热诚嘅人，所以我就开始问他点解会开始这项运动，点样完成潜水牌的考试，面对什么是挑战和他喜欢去那里享受大自然和这项运动。好明显他对潜水比在银行工作更加有兴趣，所以他很乐意亦很兴奋地回答我问嘅所有问题，仲话如果可以成为一名全职潜水教练，会梦想成真。
大家倾计投入，每人问了几个问题，好容易就过咗一个钟头，当中一秒冷场都没有。讲完之后，他就问我我的兴趣是什么，现在已经好像一个真正的朋友一样谈话。眨吓眼又过咗一阵，其实在活动期间和活动之后他也介绍了朋友给我认识，我们也成了真正的朋友。当然，日后的谈话都会讲有关工作的事，我们会exchange notes也会互相帮忙。
咁嘅networking 算唔算成功？
Sam's top tip：倾计嘅时候唔好怕深入去讨论一啲大家觉得舒服嘅话题。用Active Listening去帮助你同人交谈，避免冷场。当人哋感觉到你对佢嘅故事背景有兴趣时，佢会比较放松和开放啲同你分享。而且会因为你畀既effort而付出相同嘅兴趣，感谢你做左一个好的听众。记住尽量避免问私人嘅问题。最后就系，如果你哋讲得兴奋时有其他人有兴趣想加入，let them！Let the party begin！
3.唔好一开始就问“你做什么职业”这个问题 （Avoid asking the "What do you do" Question）
话畀你知点解。我哋每一个人都钟意judge人哋，断定人哋系某一种人。点解有人唔想话畀你知佢哋嘅工作，就系因为唔想系你未真正认识佢之前就断定佢系某一种人。同你讲佢系做律师、医生、工程师或保险，无论系边种职业，听到之后其他人都有机会会粗略估计赚几多钱，背景系乜嘢同埋做得几成功。谂真啲，如果佢做得好成功你会唔会觉得佢在炫耀自己？再者，如果你觉得佢做紧啲低收入嘅行业，你又会唔会唔想再同佢讲嘢？
咁样畀人judge你会唔会觉得唔公平？或者如果咁样同人比较底下，而你系“唔成功”𠮶个，你会唔会失咗少少自信心？其实佢系做老板嘅，然后感觉到你咁样去judge佢，真系乜嘢话题乜嘢兴趣都冇晒。
所以你应该明白，唔系佢哋唔想讲或者是对自己的行业感到不自豪，而是因为唔希望咁样畀你断定佢系哪一种人。亦都有人认为这个是一个私人问题，如果你唔明点解系社交活动中应避免问私人问题，请再次阅读第二点。
Sam's Top Tip：避免一开始就问这个问题，找一些更有趣的话题来谈。
当然，喺社交场合好难避免完全唔问或者完全唔答"what do you do"呢个问题，下次再教大家点样答。
4. 在对话期间不要检查你的手机
我注意到，冇嘢讲嘅时候大家通常都会揼低头开始睇自己手机check message。如今，好似已经变成一个“The Perfect Escape”的习惯。揼低头睇手机感觉上好似安全啲，因为当你唔系直视紧一个人的时候，你暂时没有义务跟他说话。
喺以前，当手机只有打电话和send message的功能时，睇手机根本冇可能用作为逃避谈话或冇嘢讲时的escape。冇得逃避，我们便会多放心机去维持一段对话。当然有时候真的有紧急电话要接收，但是我可以向你保证，有90％的时间，这些讯息都不是urgent的。如果你真的要离开去处理紧急事故，应该有礼貌地向与你交谈的人解释和道歉。
Sam's top tip：在社交活动时，手机会不停震动提醒你有新的message。学下唔好每20秒都一定要病态式check电话。唔紧急嘅message可以等，我个人觉得就算是公司email都应该等。让他们等等！因为如果你的注意力是集中在手机上，除了是非常无礼貌的行为，还会分散你给其他人的注意力。学下点样同人倾计，唔好永远都依靠睇电话的这个“escape”。
5. 不要试图满足所有人 （Don't try to please everybody）
在社交场合里，你会遇到来自不同背景，专业，经验和文化的各种人。我可以向你保证，他们每一个人都不同，所以你跟他们的沟通技巧、问的问题都有机会不同。你不是神，不可能将自己变成“fit-for-all”。（T-shirt都至少有三种尺码！）
你可以透过being open和诚恳的态度认识人，又或借以避免形成偏见，但你不能阻止其他人对你构成任何偏见。一定会有一些情况，对话就是唔“click”，对你就是冇兴趣。
如果你觉得对话没有建设性、没有进展，就有礼貌咁多谢他的谈话时间和很高兴认识他，跟住move on！这个不是你的错，拍手都需要两只手啦！
Sam's top tip：良好的人际网络来自建立关系时的质量，不是数量。如果你在每一个社交场合，认识到两个真正的朋友，我话你已经非常非常之成功。认识到不同行业的人，是一种荣幸。
希望这些提示会真正帮到大家扩张你的人际网络。
在未来，我会更具体和大家谈谈说话技巧。
（文章纯属作者意见，不代表香港01立场。题目为编辑所拟，文章原题为：如何有效地的扩张自己的人际网络）
【文章原刊于01撑场，欢迎下载香港01 app，与星级作者一同讨论喜爱话题。】