【恶顶同事】擦鞋仔未算最讨厌？ 即睇10大办公室难顶同事排名
人一生有三分之一时间都系返紧工，所以一个好嘅工作环境真系十分之重要㗎。有人话返工就系出卖自己灵魂，但如果有好同事可以carry吓你就当然最好啦，若然无，都至少希望对方唔系一个猪队友。DailyView今日用互联网大数据调查咗呢十样职场同事最难顶嘅行为，坐你隔离𠮶个有无中呢？
DV小教室：互联网温度计透过《KEYPO大数据关键引擎》大调查观测咗近万个网站频道（而且不断增加ing），包括港澳地区的新闻频道、FB、IG同埋各大讨论区、Blog......透过强大嘅网文爬梳观测，攞到巨大嘅资料样本数，拎到上亿嘅文章及留言讯息，以人工智慧的语意程式做分析。
【职场人际】WhatsApp Group与同事沟通4大守则 减少表情符号？
10） 人前人后两个款（314笔）
俗语都有话：“唔怕真小人，最怕伪君子”，相信大家由细到大都一定遇过唔少双面人，特别系喺公司呢个是非之地，就算唔勾心斗角，一旦牵涉到自己，好多人都会变得自私。无论系平时生活上定工作上，最怕就系人前同你好熟咁，转个头走去讲你坏话，甚至督你背脊。明明睇穿佢，揭穿又怕大家尴尬，唯有当笑话睇佢表演下演技啦。
9 ）擦鞋搏上位（338笔）
出到嚟社会，喺公司入面难免有好明显嘅阶级观念，对住比自己职位高嘅“高层”，即使你睇佢唔顺眼，唔多唔少都要恭恭敬敬，相处嘅时候要特别注意。不过唔少人为咗讨好老板，唔理三七二十一都奉承咗先。其实人哋无错嘅，若然老板系受呢一套，放低尊严氹得老板开心，日子应该会好过D，不过就难为身边人忍受呢种咁假嘅行为啰。
8） 当年勇无限loop （417笔）
逢亲同老一辈讲起D咩，一同佢地唱反调，佢哋就会话：“我食盐多过你食米啦！”每次听到都真系几抆憎，虽然以前经验系好值得我哋学习同参考，不过成日提住自己当年又有咩用呀？开口埋口都只可以讲自己以前点，倒返转嚟睇都表示你依家停滞不前。时代一直进步，人要向前看，唔肯接受新事物迟早被淘汰。唔好留恋过去，面对现实啦！
7）无EQ 乱发脾气（451笔）
返工难免遇到唔顺利嘅事，每个人都有自己情绪，可能有时会控制唔住自己，一次半次都可以体谅吓。不过有小部分人就唔会理人感受，随便发脾气发泄情绪喺人地身上，小编自己就试过遇到一个上司成日突然大声对合作厂商发脾气，作为上司，咁大个人都咁失控，其实都几失礼㗎，不过当然佢本人可能唔觉得影响到自己形象又影响到人……
▼▼按图放大，看其余六个“扮工室”难顶嘅同事行为▼▼
分析说明：本研究资料由《KEYPO大数据关键引擎》提供，分析时间范围为2019年05月10日至2019年08月07日。互联网大数据系统观测港澳地区上万个网站频道，包括新闻频道、Facebook、Instagram及各大讨论区、BLOG等，针对讨论‘职场同事最难顶嘅行为’相关文本进行分析，并根据网友就该议题之讨论，作为本分析依据。本文分析之结果，非参考投票、民调、互联网问卷等资料，名次仅代表互联网讨论声量大小，不代表网友正负评价。
延伸阅读：
去一次就讨厌的城市？又脏又乱态度差 网友一面倒选亚洲的“它”
【本文由“DailyView互联网温度计”授权转载，研究资料由“KEYPO大数据关键引擎”提供。】