【求职故事】加薪幅度满意先走？猎头人分享一年拒绝5次取录个案
人揾工定工揾人？大部分求职者都很想快点找到一份合适自己的工作，但有些人却很拣择，对每份工作都鸡蛋里挑骨头，一直都找不到理想的工作。猎头人久保从事猎头工作近8年，为不少求职者及公司找到合适的工作及人选，但当中，他都遇过不少奇情事件。以下为他于著作《猎头公司奇情实录》分享的个案。
撰文：久保
最近做紧一个role，因为客户要求请“straight Big4 candidate”，过程中令我多接触返一啲四至五年Big4经验嘅Candidate。我想带出个主题就系“选择”，有时候一个正确或者一个错误嘅决定真系会对你嘅职场生涯有好大影响，选择得好，可以令你平步青云，相反，错误嘅决定有可能令你浪费了时间、或者搞弯份resume。
回想起几年前曾经做过一个role：董事长助理，一个需要两至三年Big4经验嘅EA﹙行政助理﹚，坐chairman office，除了负责喺财务层面上去辅助主席，连生活上嘅大小琐事都要去兼顾，算系董事长嘅左右手。董事长对Big4 candidate有特别偏好，所以当时个role其实唔难揾，仲好受欢迎，试过一个星期内收到超过一百五十份近乎一式一样嘅Big4 candidate application。要喺当中拣最突出的五个其实真系有啲难度。
几年前嘅我睇事物只不过得黑同白，当时我觉得Big4 candidate只不过有两种人：想走，有原则嘅人；同埋想走，但冇原则嘅人。（几年之后我先发现原来有第三种人，就系谂住唔走，想一路喺间公司做到退休为止嘅人）
当时呢个position去到最后大直路阶段，有两位candidates都见过主席：一个叫Grace、一个叫Peggy。两人隶属同一间Big4，年龄同埋职位都一样，不约而同代表咗两种人，Grace试过一年turn down五个Offer，佢比较有原则，觉得自己有市场，皇帝女唔忧嫁，所以求职时会比较拣择，事实上佢亦系公司入面的top performer；Peggy就比较容易妥协，佢想尽快离开Big4出去攞commercial experience，如果工作、offer正正常常，佢都会积极考虑，至唔介意减人工去促成件事。呢个placement算是容易，因为从她们两个当中选择一个，所以无论如何都可以做成一单deal，对我来讲反而最重要系帮到客户揾到佢最需要嘅人、又可以帮到candidate揾到佢最想要嘅工作。
最后，个offer俾咗Peggy。
其实客人当初比较偏向Grace，因为佢响现公司系top performer，虽然Grace同Peggy两个喺公司入面都属同一个grading，但相对上，Grace嘅工作经验略为优胜，而佢自己都知道呢个卖点，加上当时正值八月，仲有两个月就会升职加薪，所以面试期间不断同我又同客人有意无意暗示自己唔想减人工、同埋想要50%嘅增幅，因为再等两个月就会加人工，冇理由而家减人工去接受新工作。记得佢当时同我讲“opportunity cost”已经不下五十次。我上司叫佢做“机会成本小姐”，同我讲：
“久保，Big4成街都系，一个招牌跌落嚟都可以压死几个，你做呢个role有冇收过超过一百份差唔多嘅CV？点解你要咁固执净系要close呢个candidate？”
“哎，因为佢系top performer？”我答。
“你唔可以咁执着，就算今日俾你说服到佢take offer，呢啲candidate会好难manage，返一个月甩咗，到时你白做，又要帮个客揾free replacement，仲惨。不如将个机会俾Peggy好过，起码佢真系好钟意份工又好想离开Big4。”
Grace当时同我讲人工要求底线系700K（当时我听错以为系月薪，当堂吓一跳）。我如实同客户交代，个客回咗我四个字：“佢凭甚么？”事实上这个求职市场虽然考虑straight Big4 candidate，纵使他们没有commercial工作经验，但客户都唔介意由零开始慢慢培训，一般客户都会加5%人工或是平手出offer，个别客户会用“冇经验”做理由压candidate 10-15%人工，但candidate大部分都理解的，因为长远嚟讲，留响Big4愈耐、升得愈高级，就愈来愈难走出去（当然久保亦有做过唔少十年Big4，人工有加无减出去做controller、director的case）。
Grace当时要求嘅价位有少少唔合理，因为客户的出offer准则系以最近一年嘅人工去厘定，并唔系以“知道自己将来两个月因为升职加薪加嘅人工去定”。客户系冇可能offer超过六万俾一个冇经验但系知道自己会“升职加薪”嘅Grace，就算出得起钱，都over-budget。
“有时真系要将心比己，你拣人时人都会拣你，要make sense。”客户对我说。相反，Peggy比较没有那么短视，她减自己3%的人工，俾客户睇到佢有诚意去促成呢件事，因为佢知道失去嘅3%系未来半年salary review就可以追返，有好嘅机会梗系急急脚走入去先，苏州过后冇艇搭。印象最深刻系佢𠮶阵时同我讲咗一句：“Every principle is destined to meet its exception.”（每个原则，都注定会遇到一个令它动摇的例外。）
三年后，Peggy平步青云做咗高层，蚀少少底换来了大嘅甜头；相反，Grace虽然升职加薪，但系随着年资同工资逐年增长，佢愈嚟愈难找到自己心目中的理想工作，因为市场大部分的工作都需要commercial经验。
最后，搞到要减自己30%人工去降低一级才可以出走，虽然结果一样可以离开，但系浪费咗时间同青春，如果Grace当初肯睇远少少，结果就变得好唔同。
久保每次interview求职者嘅时候，都会问佢哋：“钱、工作性质、衔头和career path点样去分先后？”问呢条问题可以知道其实佢哋最重视嘅系咩，再同客户反映。当candidate见完工之后，我亦会叫佢哋打分，十分为满分，问candidate会俾几多分呢份工，如果俾八分咁剩返𠮶两分扣喺边度？系地点？公司环境？同上司嘅化学作用？定系工作性质？一开始就知道佢哋想要啲咩，就可以慢慢响过程入面manage双方期望，将落差慢慢收窄，从而到最后顺利完成一个deal。
【职业情报局】跑数压力大、冇数返即炒 猎头人：起初每天想辞职
【求职故事】加薪幅度满意先走？猎头人分享一年拒绝5次取录个案
大部分求职者都很想快点找到一份合适自己的工作，但有些人却很拣择，对每份工作都鸡蛋里挑骨头。猎头人久保从事猎头工作近8年，为不少求职者及公司找到合适的工作及人选，但当中，他都遇过不少奇情事件……
立即下载《香港01》，紧贴公务员职位空缺、劳工处笋工推介，了解CV、面试致胜技巧！
下载网址：
https://hk01.app.link/bkbJyY5t4O