【圣诞礼物2019】Top 10 地狱礼物清单！整蛊朋友就系咁简单！

一年一度嘅圣诞节即将来临，又到咗疯狂开Christmas Party嘅月份。Christmas Party又点少得交换礼物呢？如果你都厌倦咗交换礼物呢个环节，不妨试吓搞搞新意思，唔好再送水杯、相架、颈巾呢啲咁无趣嘅礼物。尝试一下突破框框，脑洞大开，送一啲完全意想不到嘅礼物，挑战老友们嘅底线！😏

温馨小提示：以下礼物送出后，唔担保你同你老友仲有Friends做，事关每件礼物都在玩命！除非你哋极度老友，否则小编建议都系慎买，小心为妙！

🔻地狱礼物排行榜🔻

第10位：猪脚造型揽枕 

相信每个人身边都会有一位“吃货”朋友，呢份礼物送畀佢就最适合不过！每当夜阑人静、饥寒交迫嘅时候，唔单止可以揽住佢取暖，仲可以望住佢望梅止渴𠻹！

第9位：瘦脸脸罩​ 

呢个脸罩造工出色，​精致嘅包边设计，戴上脸之后毫无压逼感。

若果去沙滩玩，仲可以戴住佢当作防晒“脸坚尼”。素颜落街的话，仲可以戴住佢遮遮丑，保证亲妈都认唔到你啊！

第8位：“莫生气”墙壁挂画 

一生气就伤元气！送畀身边成日发脾气嘅朋友，充满警惕作用，无时无刻提醒住佢—莫生气！

第7位：2019猪年通胜

留意番，仲有不足一个月就2020年喇！Happy New Year! Yeah!🎉

第6位：毛主席语录扑克牌

扑克牌上面印满毛主席嘅写真以及语录，以后玩啤牌都可以寓学习于娱乐！

第5位：1000块纯白/纯黑拼图 

一份又玩得又可以训练耐性嘅礼物！

第4位：痰罐 

天气咁冻，半夜仲要爬起身去厕所？No No No！只要有痰罐，边度都可以系厕所！

第3位：1mb超小容量 USB手指

若果买够300个1mb USB手指就可以入300张相喇！另外仲可以每张相独立加密𠻹！

第2位：前苏联军用饭盒

𠵱家潮流兴Vintage，小编推荐送畀你身边钟意带饭返工嘅朋友仔。

第1位：财神爷佛像

史上最实用嘅礼物，收到后绝对系终身授用。点解？好似财神爷呢种咁好意头嘅礼物，你唔系够胆掉咗佢啊？计我话，就算搬屋都要带住佢喇！😎

所以话，想整蛊老友仲边使等愚人节㗎？只要有心，天天都系愚人节。

小编在此先恭祝大家友谊永固！恭喜恭喜！

(产品资料以官方最新发布为准)

唔想错过任何网购限时优惠？立即 Like 《一网打尽》Facebook专页同加入Telegram Group啦！你仲可以拎到独家优惠码及礼品𠻹！

👉按此赞好《一网打尽》Facebook专页👈

👉按此进入Telegram优惠码发放区👈