【圣诞礼物2019】闺蜜限定! 女生交换礼物新意思 贴心浪漫又实用!

叮当叮，叮当叮，听唔听到圣诞逼近嘅钟声？喺呢个“街里爱人一对对”嘅节日，单身嘅你可能期待之余又有少少怕受到伤害，不过单身又有咩好怕，皆因仲有一班好姊妹嘛！𠵱家距离圣诞节就只剩番个半月嘅时间，不如趁早约定闺密，搞番晚女生专属嘅Girls Night！除咗可以齐齐齐扮靓、食大餐、同无限gossip之外，仲要玩埋圣诞重点环节——交换礼物！

小编最近已经物色紧合适嘅小礼物送畀姊妹们，不过求教Google大神后发现，网上来来去去推介嘅都系以美妆为主嘅套装，虽则实用，但查实每年都系差唔多嘅套路，无论系送人定收礼都未免有啲沉闷。更何况年尾又有百货公司嘅感谢祭，各大品牌推出嘅圣诞套装，相信有唔少女生如小编都已经早早入好货，咁到底仲有咩实用而又啱女生嘅好选择呢？小编就有以下心水，唔知大家又点睇呢？

【香薰类：永生花精油扩香小夜灯】

提起香薰类物品，好多人第一时间都会谂起hand cream或者body lotion套装，但停一停，谂一谂，有冇发现呢两样物品都已经送得太滥？

所以小编今次嘅入手目标，系呢款同样有扩香效果，但外型同功能都更胜一筹嘅干花小夜灯，所用嘅扩香原理就同家居香薰一样，以加入精油嘅扩香液散发香气，而特别之处就在于放入咗女生们最爱嘅干花，色调同排列都经过细心设计，再加埋个可以散发暖光嘅实木小灯座，无论放喺屋内边一个位置，都立即令整个空间充满“ins风”同情调，随手都可以拍下一系列嘅打卡相，而香味亦更加助放松劳碌一天后嘅紧绷心情。不过大家买嘅时候要注意，并非每款小夜灯均有扩香功能，落单前记得先留意页面上嘅商品介绍啊～

【扩香小夜灯特点】

✨选用法国原装进口纯天然精油

✨扩香液不含酒精香味

✨以茉莉的清香为主调，可持续1至2个月

【美容类：粉晶滚轮按摩器】

如果闺密系美容美妆迷，化妆品以外其实亦有唔少好选择。小编个人就对呢款滚轮按摩器几有兴趣，皆因佢用天然粉晶制成，除咗有多种晶石独有嘅美容功效，能够改善肤质及水肿之余，更加潜藏住爱情同幸福嘅能量，如果闺密已经单身咗一段时间，送呢件礼物畀佢随时有一举两得之效！

【粉晶滚轮按摩器特点】

✨纾缓眼部及脸部浮肿

✨促进脸部血液循环

✨缓解头痛及压力

【实用生活类：自动滴滤式咖啡机】

如果你同闺密都已经系踏入职场数年嘅轻熟女生，追求嘅可能会系更实用嘅礼物，咁小编就要推荐你呢部轻便型咖啡机！大家望真啲，咖啡机嘅主机其实系半个大咖啡杯造型，只要拼埋个细杯入去，就系一个完整嘅咖啡杯，真系趣致得嚟又好有创意！最正嘅地方系以后唔使再喺公司排队用咖啡机，仲可以享受到高质素嘅咖啡㖭！

【滴滤式咖啡机特点】
✨过滤网容易清洁
✨自动断电功能
✨防干烧功能
✨硅胶套上可写上文字

今次小编物色嘅礼物都系嚟自Pinkoi，骤眼所见，好多商品的确好少系香港嘅门市见到，如果想挑选一啲特别少少嘅礼物，大家不妨上去睇睇！

(产品资料以官方最新发布为准)

唔想错过任何网购限时优惠？立即 Like 《一网打尽》Facebook专页同加入Telegram Group啦！你仲可以拎到独家优惠码及礼品𠻹！

👉按此赞好《一网打尽》Facebook专页👈

👉按此进入Telegram优惠码发放区👈