【圣诞礼物】2019年度最受宠物喜爱的四大圣诞礼物！猫狗都啱用！

踏入十二月，大家系咪已经开始筹划紧圣诞节Party，忙紧拣圣诞礼物畀亲朋戚友呢？咪住先！顾住拣礼物畀身边人之余，又点可以忘记自己屋企最重要嘅一份子—“毛孩”？虽然毛孩对于节日毫无概念，但其实只要见到佢哋收到礼物之后，兴奋到摇头摆尾转圈圈嘅反应，已经心满意足喇！趁住今个圣诞节，不妨试试化身成为毛孩嘅专属圣诞老人，大派惊喜！

即刻睇睇以下四大最受毛孩欢迎嘅礼物种类，排名不分先后，一齐睇吓边款礼物最啱你家毛孩喇！

第一类：圣诞服饰

最近天气不停降温，虽然一般毛孩都应该能够抵挡香港嘅温度。但系因应唔同毛孩嘅品种、年龄、身体情况，对温度嘅适应力都会有所差异。作为负责任嘅主人当然要留意住佢哋嘅一举一动，从而及时做出御寒措施，防止毛孩冷亲！特别系当你发现佢哋有非比寻常嘅小举动，例如身体不停颤抖、尾巴紧贴身体、身边蜷缩成一个球状、低声哀鸣等等，以上行为都有可能系因为佢哋身体觉得冻冻啊！

而最好嘅御寒方法，就系为毛孩准备足够保暖嘅衣物。趁住圣诞节，主人不妨试试帮毛孩添置一啲充满圣诞气氛嘅衫衫，保暖之余又应节。若果你会带埋毛孩出席圣诞Party，一定会引起哄动，今次全场最抢镜仲唔系你家小毛孩？😍😍😍

🔻超QQ宠物圣诞服饰🔻

1. 猫猫圣诞老人Cosplay服 HK$ 96.69

2. 狗狗圣诞老人Cosplay服 HK$ 87.24

3. 猫狗通用圣诞Cosplay帽 HK$ 58.26

第二类：宠物窝

除咗准备保暖衣物之外，帮毛孩更换一个暖笠笠嘅宠物窝都系必要嘅御寒措施之一。唔知你哋有冇发现毛孩喺冬天时候，睡眠嘅时间会平时长更多。虽然，大部份时间都处于浅睡阶段，但若果佢地训觉时候唔够暖，或者长时间训喺冻冰冰嘅地板上面，分分钟会导致身体失温，后果非常严重㗎！

所以，小编已经为大家挑选咗以下几款超级啱冬天，又充满圣诞氛围嘅宠物窝，等毛孩可以过一个暖笠笠嘅圣诞节～ 

🔻宠物温暖窝🔻

1. 圣诞树造型宠物窝 ¥376起

2. 圣诞节暖笠笠宠物窝 ¥99.9

第三类：圣诞大餐

平时开饭嘅时候，毛孩都系一脸无辜，楚楚可怜咁坐喺你脚边望住你？如果你家毛孩都系超级为食，最大嗜好就系食食食的话，今个圣诞节为佢准备与众不同嘅圣诞大餐绝对会系最佳礼物之选！

以下推荐嘅圣诞大餐，当中最特别就系驯鹿造型嘅圣诞蛋糕，专为狗狗而设。唔单止成份天然安心，连外表颜值都极高。标榜完全无添加剂，无调味料，严选最高级嘅食材制作，唔单止狗狗可以食，连主人都可以一齐Jap Jap Jap㗎！而且仲要系日本空运到港，留意番食用前24小时要先放落雪柜解冻喔。

🔻毛孩都要食圣诞大餐🔻

1. 驯鹿造型Q版圣诞蛋糕 HK$ 277.59

2. 圣诞节火鸡大餐 HK$ 174.49

第四类：玩具

身为“打工一族”，每日都要早出晚归，可以陪喺毛孩身边嘅时间少之有少。唔少主人都会喺屋企安装摄影机留意住毛孩独守空房嘅一举一动。最后往往都会发现，原来毛孩喺屋企大部份嘅时间撇除训觉之外，都只系静静地望住大门口，默默地等待主人返屋企。

唔想毛孩一个人孤零零，无所事事？不妨可以入手一啲充满趣味性又极具吸引力嘅玩具畀毛孩，等佢哋可以解解闷，消磨一下时间。

🔻解闷玩具🔻

1. 圣诞游乐园猫抓架 ¥229.9

2. 智能自动逗狗玩具 (可透过手机App遥距控制) ¥65.9

讲到尾，若果要拣毛孩最想收到嘅圣诞礼物第一位，根本毫无悬念！第一位绝对就系“你”！各位主人，送礼物之余记得花多啲时间陪佢哋渡过圣诞节啊💗

(产品资料以官方最新发布为准)

唔想错过任何网购限时优惠？立即 Like 《一网打尽》Facebook专页同加入Telegram Group啦！你仲可以拎到独家优惠码及礼品𠻹！

👉按此赞好《一网打尽》Facebook专页👈

👉按此进入Telegram优惠码发放区👈