【圣诞礼物2019】男友最想收到3大实用礼物 另附品牌及单品推荐!
虽然人人都话女人心 海底针，但小编觉得其实男人心仲难触摸，事关每次问亲男朋友想要咩，佢地嘅答案都不外乎系“你送嘅我都钟意”、“冇咩特别嘢想要”、“我自己买啦”诸如此类，但作为一个100分女友，其实只系想买啱一样男友收到会惊喜，望见又会开心嘅礼物，唔通真系咁难？为此，小编问咗身边年轻男性朋友意见，整合出三大实用类别以及各类推荐单品，唔保证一定系另一半心目中嘅top 1，但最起码都要做到实用而又不踩雷！
小编曾经都搅尽脑汁去谂，觉得男生最想收到嘅礼物应该都不外乎系游戏机、game碟、电子产品等等，之不过如果你学似小编，谂得太过简单，咁最后好大机会系“妈，为何结果不是我想的那样?”
事关好多时男人们对呢啲产品都特别有研究，莫讲话有自己一套选择嘅准则，更可能一早已经自己(偷偷)入手咗，尤其系game碟，有时另一半online买咗真系未必知道。
所以如果唔想见到男友收礼后尴尴尬尬嘅样，建议不妨从实用性高嘅衣物同配件上入手，毕竟服饰唔怕多，可以换下款又衬下唔同造型，加上好多男人都嫌行街买衫麻烦，有人拣埋再送简直最好不过啦！继上次男友礼物初阶篇之后，今次小编为各位有少少经济能力嘅姊妹们推荐一下中阶嘅建议。
【男朋友的圣诞礼物── 中阶版】
1. 波鞋类／潮鞋类
唔好以为得女仔先钟意买鞋，问十个男仔，应该有九个都系波鞋迷，唔止买，佢地更加钟意储鞋。如果你嘅男友平时都会做开运动、睇开波、或者成日提起乜鞋物鞋，咁你就可以由呢个方向入手喇！除咗日常出街波鞋之外，小编建议姊姊们亦都可以留意一下特别版波鞋，事关佢地通常都好有价值，唔止俾明星潮人加持过，价钱通常都由千元起跳，男生们就算好钟意都真系未必舍得买。
如果姊妹们对波鞋冇乜认识，不妨考虑Air Jordan或者Yeezy呢两个大热系列，如果男友有打开或睇开篮球，可以买篮球界名鞋Air Jordan，配色同联名款式都相当丰富，唔止出街得，部分用嚟打波亦得。如果男友系潮人一份子，就不妨考虑由rapper Kayne West设计，风靡一众欧美明星潮人嘅Yeezy，不过买之前记得先留意一下对方鞋柜，以及已经买咗嘅款式啦。
🔻Air Jordan 4 Retro sneakers HK$2,703🔻
🔻Air Jordan 11 Retro sneakers HK$2,653🔻
🔻Yeezy Boost 700 Inertia sneakers HK$2,986🔻
2. 背囊类
好多男生们无论出街定返工都钟意孭背囊，一来实用，二来亦够百搭，如果你嘅男友平时都系一袋走天涯，或者个背囊已经用咗好一段时间，不如就趁今次买个function同fashion兼备嘅背囊送畀佢！
Supreme嘅背囊虽然并唔系最新款式，但胜在设计够抢眼，全袋铺满Supreme倒转暗纹logo，低调之中又展示到牌子名。如果男友唔追牌子同款式，咁F/CE嘅No Seam Day Pack都系唔错嘅选择，强调机能性多于外型，用咗CORDURA® NYLON 500D 防撕裂结构，轻巧、多隔层，而且防水，无论系平日返工，定上山下海相信都用得着！
🔻SUPREME logo backpack HK$2,994🔻
🔻F/CE No Seam Day Pack HKD 2,315.75🔻
3. 银包、卡片套类
除咗孭背囊，男生们更多时候都钟意两手fing fing，剩系袋个银包就出街。如果各位嘅男友都系洒脱嘅类型，咁就唔少得一个实用又美观嘅银包或者卡片套，令佢型上加型！
Mcqueen同Burberry嘅银包卡包都属于比较简单，而且长青嘅款式，基本上咩类型嘅男生都可以驾驭得到，而Thom Browne就系欧美大热嘅男装品牌，主打绅士风格，银包上有标志性嘅红蓝间条设计，令成个款式大方得嚟亦多咗分时尚感。
🔻ALEXANDER MCQUEEN billfold wallet HK$2,500 🔻
🔻BURBERRY Monogram Leather Card Case HK$1,371🔻
🔻THOM BROWNE Rectangular Zip Coin Pouch HK$2943 (原价HK$5,887)🔻
正所谓“物轻情义重”，“你送嘅我都钟意”呢句其实都真系男生们嘅真心说话嚟㗎，只要姊妹们平时多啲了解男友嘅兴趣，再投其所好拣礼物，相信净系呢份心意已经令男友觉得甜到漏啦！如果呢几样礼物都唔啱心水，唔紧要！皆因我地嚟紧仲有高阶篇畀各位姊妹参考，唔好错过喇～
(产品资料以官方最新发布为准)
唔想错过任何网购限时优惠？立即 Like 《一网打尽》Facebook专页同加入Telegram Group啦！你仲可以拎到独家优惠码及礼品𠻹！
👉按此赞好《一网打尽》Facebook专页👈