【女生圣诞礼物2019】送她一个七千蚊的包包 值得不值得？
圣诞节系普天同庆嘅大日子，男人可能一般都冇乜节日概念，但相反女人往往都会不自觉地期待你会做好多嘢...... 所以如果自问你系一个宠爱女朋友嘅暖男，以下落嚟就等小编同你分享吓点样冧爆女朋友啦！
其实今集女朋友圣诞礼物推荐经已嚟到呢个系列嘅最后一集喇！今次高阶篇就会同大家介绍较高价位嘅礼物，作为一个事业型男性，银包应该都有啲钱(?) 想氹女朋友开心又唔计较价钱的话，咁就坐定定一齐睇落去有咩礼物可以收卖女朋友个心喇💛💖
生活就该有年有节， 有时有令，这样岁月才有层次感。
👸🏻 2019女朋友圣诞礼物Idea 高阶篇💸
1. 银包或卡片套
其实好多女仔𠵱家都唔钟意带太大个银包出街，所以card holder可以话系愈来愈受欢迎！小编就拣咗几个卡片套同银包同大家推介一吓，牌子包括YSL﹑ MIU MIU同GUCCI，呢三个牌子相信有唔少女孩子都喜欢！
🔺SAINT LAURENT fragment zipped card HK$2,200🔺
呢个YSL长方形卡片套可以话系长青款，颜色选择都几多，小编就建议拣枣红色喇，因为相对较特别同埋比较少人有。如果你女朋友仔冇用开卡片套嘅习惯，不妨送呢个畀佢用吓！
🔺MIU MIU Matelassé leather card holder HK$2,900🔺
MIU MIU呢个经典款式嘅卡片套又系超级讨人喜欢，而且仲要一定系粉红色先靓㗎！如果女朋友仔风格比较girly的话，送呢款就啱晒喇。
🔺GUCCI Ophidia card case HK$3,900🔺
自从GUCCI新创意总监Alessandro Michele上任后，为GUCCI带嚟全新品牌形象，令成个品牌瞬间变得炙手可热，基本上个个女孩子都啱！呢个GUCCI小银包采用嘅设计带有些少vintage感觉，小编个人就觉得白色最靓喇。呢个款式嘅卡片套相信任何风格嘅女生都可以carry到。
2. 手袋
男孩子如果唔怕破费又想氹女朋友开心的话，送包包就最好不过喇，包你氹到女朋友乜都听晒你话！好多人可能觉得买包包好奢侈，但系好日都唔会买个手袋，大时大节送吓都无妨吖！
🔺BALENCIAGA Navy XS Cabas tote bag HK$7,000🔺
BALENCIAGA tote bag 近排讨论度极高，虽然呢个XS Size睇落好细，但小编就觉得啱啱好啦，因为女人钟意嘅嘢都一定要好睇但唔需要最实用！
🔺LOEWE Gate straw mini bag HK$9,300🔺
LOEWE 呢个西班牙品牌最近又系人气急升，小编就最欣赏呢个mini size嘅斜孭袋喇。呢个款式设计十分精致，但如果略嫌夏天气息太重的话，同款仲有其他拼色可以选择。
🔺CHLOÉ Tess croc-embossed leather shoulder bag HK$12,739🔺
Chloé 相信系女生普遍都喜欢嘅牌子，呢个皮款嘅手袋最特别之处就系佢嘅圆形金扣设计，款式斯文得嚟又日常，小编觉得买啡色一定唔会出错，而且好啱秋冬穿搭𠻹！而且呢款手袋官网定价系要HK$16,200㗎！但系去FARFETCH买就足足可以悭番三千几蚊。
3. 鞋
自问细心又阔绰嘅男人不妨挑战一吓送鞋畀女朋友，事关送鞋绝对属于高阶技能，不过有小编帮你，可以轻松番少少。若然同女朋友同居的话，送鞋拣size就唔使烦了，静悄悄等佢瞓咗之后去昅吓佢平时着开嘅鞋系咩码就得啦！小编严选咗本年度两对爆款波鞋，出现率非常之高，成功夺得好多女士们嘅爱。
🔺BALENCIAGA Triple S Sneakers HK$7,300🔺
巴黎世家呢对老爹鞋相当有名，冬天着的话简单衬条长裤都好靓。但要注意番呢款鞋嘅码数偏大，记得拣码数嘅时候睇番佢哋"Size Guide"，参考多几个唔同国家码数嘅对应表。
🔺GUCCI White Ace leather sneakers HK$4,900🔺
GUCCI 呢对小蜜蜂波鞋绝对系历久不衰嘅爆款，小蜜蜂图案得意得嚟又好有时尚感，而且鞋踭位嘅设计系可以踩踭着，立即变成一对密头拖鞋，轻松地一对鞋两种着法～ 如果觉得女朋友未必钟意太浮夸嘅老爹鞋的话，送GUCCI 呢对就冇错喇，唔虾人着之余仲唔使点衬就着得，使用率极高！
买名牌礼物贵就贵啲，但系如果花几千蚊换到女朋友开心，何乐而不为呢？小编教埋你，圣诞节记得book定位带女朋友去食饭吖，再唔系唔想同人逼的话，喺屋企玩吓煮饭仔食个二人烛光晚餐，成件事都几浪漫😳 港女系就系难养啲，但系圣诞节一年先得𠮶一次，落力氹吓佢啦🥺
成功氹到女朋友的话，记得留言话畀小篇知！祝大家有个美满甜蜜的圣诞节，明年今日或者往后每年的圣诞节都系同佢过！❤
👇有兴趣可以睇埋【2019女朋友圣诞礼物推荐】嘅初阶同中阶篇👇
(产品资料以官方最新发布为准)
唔想错过任何网购限时优惠？立即 Like 《一网打尽》Facebook专页同加入Telegram Group啦！你仲可以拎到独家优惠码及礼品𠻹！