办公室出轨很普遍！女生幻想不输男生　面对刺激：别高估自制能力

恋爱，有时只是一种气氛，某些现实因素加上你自己的一些幻想，令一件普通嘅事变得“浪漫”。一时唔清醒，就好易会被呢种恋爱气氛蒙骗而做错决定……例如系同同事出轨，即系自己／对方有另一半，但仍然发展感情。

作者：诗宁

出轨很普遍，分别只系......

提到“出轨”，人人都会破口大骂，觉得当事人无脑、唔谂后果、一时咸湿连份工都无埋……身为已婚人士，我当然认为出轨系唔啱，但当“恋爱气氛”降临喺你身上，你系咪又可以坚守对另一半嘅承诺？背著另一半，你真系从来无同过其他异性调情？几句讯息都无？出轨很普遍，分别只系思想出轨定系肉体出轨，你离条轨又有几远？

相关文章：
【心理测验】内心温柔却被误会？如何从心机婊中突围　展现内在美
威廉王子传出轨凯特闺密　衣著看取态成热话　凯特性格唔听人讲？

“暧昧”可能只源于幻想？

出轨，并唔系男生专利，其实女生喺呢方面更易“做错”，因为女生太爱幻想，而所谓嘅恋爱感觉，好多时都系自己幻想出嚟。唔信？

举个例，某日你带口罩返工，清洁姐姐喺茶水间问你：

“Jenny, 你病咗呀？唔好饮咖啡喇，饮多啲暖水知道嘛。”继而佢斟咗杯暖水畀你。你讲句唔该，最多都系感动一下觉得人间有情就完。但如果上述说话同动作系一个靓仔、斯文有礼、你一直觉得佢好有才华嘅高层对你做，相信你已经面都红晒、心跳加速，因为你自己加咗啲感受喺杯暖水入面。所以“幻想”，系一件好危险嘅事。

男女大不同：男生对自己的幻想累事

女生对男生的幻想，多数是源于祟拜、倾慕，觉得个男上司好叻，工作时候很认真，落决策时候又很有型，仲要教自己好多嘢……每日都为咗佢而扮靓返工，香港人返工时间长过拍拖时间，日日见面、天天幻想，好快就会唔记得咗自己有另一半。

那男生对女生的幻想呢？或者系对自己的幻想，觉得自己系英雄、自己好叻，见到女同事（当然前题系靓）工作上遇到困难，好似好辛苦好惨，觉得自己应该去帮下佢、保护佢，最初可能系分担工作，渐渐由怜生爱。屋企个老婆太强势也太独立了，早已提供唔到英雄感。

【似曾相识？】点击看最易促成办公室出轨的6大情景==>

面对诱惑：别高估阁下的自制能力

办公室出轨事件，仲有一项重要元素－刺激，因为唔可以畀其他同事知道你俩的秘密，喺人前、开大会时扮晒唔熟，眼神交流都唔多个，散会后返埋位密密Message；遇到节日，静鸡鸡喺对方个位放份礼物仔；约咗放工食餐饭，但又要前后脚离开公司……愈多呢啲鬼祟小动作，愈危险，也愈刺激，贪玩贪新鲜，慢慢也就著迷了。

别以为自己不爱刺激，也别高估阁下的自制能力，唔想婚姻事业全失去，在职场遇到吸引力高的同事，还是一开始便敬而远之好了，连朋友都唔好做。