前幕后网民出Po爆大台艺人摆款名单 袁文杰被赞好人：唔系必然

早前一名自称做幕后的网民于网上Po文揞名爆大台艺人扮晒嘢，当中包括有007、短脚虾伉俪、痰＋池、老千哗、周街鳄。但同时亦开名称赞陈豪、马明、炜哥、阿佘、欧瑞伟好nice。更特别大赞洪永城，袁文杰为人友善：“杰哥真人高大靓仔，好好倾，佢又系唱片友，佢甚么音乐都听，佢听嘢好劲，识好多唔同类型嘅音乐，佢同我一样，都系阿仙奴fans，同佢吹水，真系可以吹足一晚。”

袁文杰今日（24/11）现身将军澳电视城出席无线处境喜剧《爱回家之开心速递》宣传活动。对于被网民点名称赞，袁文杰表示：“其实大家都系流露最真𠮶一面，咁其实我哋咩畀人哋话过呀，好似我之前都畀人话过我唔好，佢要喺各方面去批评你，就好似啲人唔钟意你，就会批评到你尽。但人哋赞你好，唔系必然，咁无论点都好都要讲返多谢。（有网民猜测有人请网络打手抹黑造谣！）我就冇谂过呢样嘢，我哋点解唔谂返啲正面嘢，佢赞过嘅人有好多好多，咁所以我哋睇返啲正面嘢。（吕慧仪说笑话你有回应佢，想知你系咪认同当中讲法？）哈哈，首先佢话我钟意阿仙奴咁又系真嘅。咁坦白讲我对临时演员行过，我都一样打招呼，觉得呢个系基本嘅元素，就算我喺唔喺做呢行都好，都系咁话啦。”