吕慧仪疑遭前幕后网民以揞名“短脚蟹”爆摆款：成日都有啲咁嘅人

吕慧仪（长脚蟹）前日（24/11）现身将军澳电视城出席无线处境喜剧《爱回家之开心速递》宣传活动。提到早前曾经在娱乐圈工作多年的网民在社交平台发文指，有大台的艺人摆款，当中揞名爆有短脚虾伉俪、痰＋池、老千哗、周街鳄，讲到明不提也罢。但就开名大赞袁文杰为人友善好好倾，令网上引起热议。

长脚蟹就事件接受《香港01》访问时笑言：“佢咁讲短脚蟹好似讲得好明㖞，𠮶个人系咪真系我识㗎？你知我做嘢有时可能好赶，又或者同一时间要做好多嘢，咁所以真系未必有时间同人吹水倾计。（怕唔怕因为咁影响形象？）唔会啦，你谂吓，如果平时工作态度差，你系唔可能喺呢度做咗7年咁耐啰，呢啲唔使解释啦，成日都有啲咁嘅人，你都识讲佢系影子人，又唔知佢系边个，又唔知佢系咪真系见过你，咁所以就无谓放上心。（有网民猜测可能有人请打手搞事！）呢啲我又唔识呢啲，请唔请打手，咁所以呢啲又唔到我控制，就唔好去谂咁多。”