潘静文主持台庆被批无礼貌累细细粒冇奖抽　炎明熹：始终都系经验

无线《万千星辉贺台庆2023》虽然早前已圆满落幕，但话题不断。就好似在抽奖环节中，细细粒（陈嘉佳）被主持人声梦小花潘静文 (Sherman) 打断抽奖动作一幕惹起网上热议，被网民围插无礼貌：“6号（陆浩明）都系帮嘉宾扭开畀翻张纸人哋读，佢就争住读埋”、“佢整晚抢镜，唔知乜水”、“潘静文老是抢别人的话”、“不会做人，抢活”、“感觉就是一个装老鸟的新人”。不过亦有人指潘静文年仅25岁经验少，“后生女冇经验”。

炎明熹（Gigi）今日（23/11）现身港台出席《我们一直都在说故事-五支旗杆等》记者会，就事件接受《香港01》访问时表示：“其实我又唔系太清楚。（你冇睇报道？）睇⋯睇⋯睇⋯等我谂吓点对付你先。我有睇TVB 娱乐新闻台。（会唔会打电话慰问佢？）我哋一直都有联络嘅，咁所以我相信，始终都系经验啰，我相信。相信大家都觉得经验系非常之宝贵，咁所以相信大家都会一齐去指导大家。”