前亚视港男“震波黎明”陈锡文雄风不再　身材缩晒水：而家冇啦

前亚视港男参赛者有“震波黎明”之称的陈锡文，当年凭酷似黎明的样貌及震波技俩而一举成名。今晚（23/11）他现身深水埗出席其有份主演的电影首映礼，接受《香港01》访问时透露：“其实今次拍电影都好开心，因为之前做紧消防员嘅时候，始终都唔方便，但两年前退休之后，变咗我而家就还咗25年前嘅心愿。”

被问到有否片酬？陈锡文表示：“其实今次我系用学习嘅形式嚟做，反而我系要交学费。喺成个人生里面有啲嘢完咗之后，我都想去学吓演艺啲嘢，变咗基本上系义务性质。（会唔会拍色情三级片？）我几廿岁就唔会谂呢啲嘢。（你而家都仲识震波？）其实娱乐大家，大家笑吓都OK嘅。（绘丽奈邀你拍戏，拍唔拍？）都唔会，始终都做咗咁耐嘅一份消防员嘅工作，都唔应该破坏个形象。（系咪仲Keep住健身？）都间唔中做吓运动。（出嚟拍戏太太有冇唔钟意？）正常嘅参与就冇问题。（太太有冇落指令唔好再震波？）咁佢又冇提呢啲嘢㖞，不过佢身边嘅朋友好奇都会问吓。（系咪而家收埋喺房度震？）而家冇啦，因为瘦咗啦，哈哈！”