亚洲超星团｜丁子朗造型妆容惹负评　公开真相：系舞台总监意见

丁子朗今日（22/11）现身将军澳出席《爱心曲奇暖万家》爱心探访活动。对于在《亚洲超星团》选秀比赛节目中，因一头金发加妆容太白惹起网上热议，被网民批MK味浓，但亦有网民力撑丁子朗不断求变，是作为艺人应有的态度。

丁子朗就事件接受《香港01》访问时表示：“其实我系有睇晒网民畀我嘅留言，有啲网民留言问我会唔会改第二啲颜色会好啲。睇完之后我都有问公司嘅意见，会唔会改少少会好啲，而我就想倾出一个公司又接受到，观众又接受到嘅方式，不过而家都改变紧。”

对于造型妆容惹负评，丁子朗表示：“其实我系好多谢网民畀我嘅意见，因为好多时候，自己系睇唔到自己有咩不足之处，系要身边嘅人先会睇到，所以我系好多谢佢哋畀我宝贵嘅意见，我睇到呢啲负评我系唔会唔开心。不过讲真自己睇到金色嘅头发系有啲奇怪嘅，但始终个金色头发加一身嘅造型同个妆，都系尊重返成个舞台同成个造型嘅团队设计。（原来系佢哋设计嘅，系冇得畀意见！）系有得畀意见，但佢哋接唔接纳就要睇返佢哋嘅舞台总监嘅意见。不过对我嚟讲都系一个新尝试，可以跳出个舒适圈去挑战自己。明白到当中有好多强嘅参赛者，所以我哋意志唔可以输，要不断练习，唔想影衰我哋公司，同讲广东话嘅人，希望大家投我哋香港队。”

被问到妆容有否吓怕母亲？丁子朗笑言：“𠮶晚台庆完咗之后，我阿妈WhatsApp 我，问我个妆同件衫系咪一定要咁Feminine呢？仲话我要落咗妆先好同我哋FaceTime，我阿妈都有畀意见我。而之前喺上海我染咗金色头发嘅时候，我都有影畀我阿妈睇，我阿妈就反问我：‘你肯定要金色，不如你问一问吓佢哋啦’，咁所以我妈都几贴紧我嘅行踪，同埋佢都几紧贴住潮流嘅走势，佢会话畀我知咩颜色会比较好睇。”