Kakit唔觉《造星5》有欺凌　尹光乐意与后辈合作

止步《全民造星》20强嘅Kakit，今日（5日）连同尹光、阿正出席活动，获不少支持者撑场。

尹光透露有追看《造星》，大赞Kakit能走到20强已经十分厉害。“佢19岁，大把前途啦，我叫佢继续努力。我都睇过佢庙街跳舞，好过我好多，你叫我rap OK，跳就当然无佢咁劲。佢后生嘛，做我个孙都仲得。”尹光表示自己与时并进，所以如果开演唱会的话，一定会邀请年轻歌手合作，而Kakit亦是他合作对象之一，又鼓励他失败乃成功之母，所以将来一定有大好前途。

问到是否有不是广告商招手，Kakit笑言自己因为被foul 所以比较得闲。“相信10强都会有好多广告会接，自己睇好Ash同Lyman ，始终同佢哋夹过几次，相信佢哋实力都好厉害。”不过由于一人一票的关系，Kakit表示只能投白票。

提到日前《造星5》传出欺凌事件，Kakit表示：“因为佢讲嘅系对面组嘅嘢，而红蓝组只会比赛时先见到面，其他时间都系自己练，好少接触，所以唔系好清楚佢哋情况，但两组一齐时我会感觉到大家好为件事，甚至欺凌我系未有感受过，大家都好有爱。”Kakit又补充每件事有两面睇，观众可自行判断对错。