全民造星5｜Kakit为演出丧减16磅　陈栢宇做评判同当奴句句反调

《全民造星5》正式进入40强，所有参赛者都使出浑身解数， 昨晚（20日）一集，经过重新分配嘅蕾安C组（KC、Stick、Tsoul（队长)、Kingston、阿生）喺自选项目中，选择将周星驰经曲对白结合埋舞蹈，表演完之后，获评判汤骏业同当奴大赞，当奴仲以“无懈可击”、“我觉得好精彩，因为可以将所有经曲场合组埋一齐”作为评价；不过转头一转到另一位评判陈柏宇嘅时候，佢就咁讲：“讲故事部分，我又唔觉得有一个完整嘅故事，当然拎星爷经典对白去做一件事，都几interesting，但去到呢个位就完，一啲都唔差，但未去到我觉得好突出。”

之后到Fung莎B组（Maico、Jason Loi、乐乐、Kakit）以婚外情对小朋友影响为题，并以唱、舞、戏、鼓表演《Unholy》一曲。汤骏业嘅评价系“你哋嘅声音令Kakit表现好好，因为佢系核心，将你哋3个元素串连起嚟。”咁陈柏宇又点讲呢？佢话有少少难以集中：“我尝试去望Kakit跳舞，有时又会遗留咗乐乐喺后面，之后Maico又喺旁边嘶叫紧，好多人同时间喺同一空间抢FO。”而当奴嘅说法又系同陈柏宇刚好地相反，事关佢觉得成件事好能够合体……

Fung莎A组（Ritchie、王锋、Lyman、Adams、Ash）以男团方式表演Marf嘅《*~Silencio…Shh》，身为做工佬嘅Ritchie，估唔到都跟到大家个beat，令观众十分有惊喜。对于Fung莎A组嘅表演，当奴认为可以成团，评价甚高，咁同佢一直唱反调嘅陈柏宇又点睇呢？佢有赞Adams，但亦都不忘表示：“好老实讲，我听唔太清楚你哋唱歌，都几多伴唱。你哋最终都系想成为跳唱歌手，你唔系想做舞蹈员咁简单嘛。跳就好明显大家都有一定能力，但唱歌就会被比下去，所以喺𠮶边凸显多啲。”

Fung莎B组演出后，Kakit即时获网民狂赞，而佢亦有在IG发帖，他表示：“愿意不顾代价为呢件艺术品付出，而回报比付出的令我觉得值得了！”在Kakit上载照片中，只见他为了今次演出，在短短两星期期减去了8kg，投入程度绝对唔系讲笑。