全民造星5｜Kakit输在太年轻 Ash入10强遗憾未能见父最后一面
撰文： 林得懿
出版：更新：
《全民造星5》６月29日播出一集再次充满了公愤同泪水，事关两组对战嘅都系好兄弟！Kakit同Ash一齐经历过《大师班｜Master Class》以及《创作者的派对》，感情虽然要好，但现实就系咁残酷。
Kakit表演嘅《Who am I》 集Rap、跳舞以及戏一身，评判冯颖琪睇之后，震撼到俾唔出任何评语；王君馨就造感觉如同睇电影一样，所有嘢都好深刻印象。Kakit解释，今次表演灵感系来至于AI，“全世界都被AI影响，最坏嘅情况系我哋可能已经唔系做紧自己，即使将来好多嘢会被AI1取代都好，但表演者系冇AI可以取代，系独特、唯一，我哋《造星》每位参赛者每个表演都系独特而唯一。” Kakit所带出嘅信讯十分清晰，唔少网民甚少认为同系AI为主题，但比昨晚(28)Tsoul更佳。
Ash挑战《小心地滑》，他透露比赛期间，爸爸离世，由于佢人在香港，所以未能见最后一面。Ash决定将心声写成歌词，再转化成思念，《造星5》有唔少参赛者挑战MC作品，Ash应该算系最成功一位，冯颖琪眼湿湿表示感动，大赞Ash坚强，又讲艺人系要有呢种坚强、初心。最后Ash以4比1送走Kakit，王君馨指Ash已经32岁，认为佢已经追梦好长时间：“喺呢行唔放弃都系好唔容易，所以今日好想要畀呢个鼓励你，希望你可以翻开下一章节，做到你想要嘅跳唱。”
又再一次，唔系讲技术，纯粹地讲感情，19岁嘅Kakit输在年轻。唯一畀灯Kakit嘅陈咏谦解释：“我对你系好难忘，你年纪轻轻，包办所有嘢，同埋你发放独有嘅魅力，我觉得系你好珍贵嘅资产。”Kakit虽然出局，但都喊住咁祝福Ash，而原来《小心地滑》更系佢介绍俾Ash。对于Kakit出局，唔少网民都十分不舍，但亦都认为位佢将来一定会有更好嘅发展。