全民造星5专访｜Kakit曾感两头唔到岸　乐庭、路飞有意入行发展

《全民造星5》20强诞生，在Pre round个人战以Rap、折骨舞再爆衫骚肌嘅Kakit（邓家杰），可说是愈战愈强，不过原来他当初曾担心在小组对决的破格演出会得不到认同；而以过山式入闸嘅“姜涛2.0”乐庭，虽然止步60强，但已有意与路飞（郭天立）开拓新领域。

乐庭绝对无意成“姜涛2.0”

乐庭在Pre round时跳而不唱《特务肥姜2.0》，结果未能打动评判，其后他应要求清唱Justin Bieber嘅《Love Yourself》，成功获3灯入围，假如可以再来一次，乐庭是否依然会跳唱呢？他说：“因为彩排时，花姐有睇到，佢都觉得可以过关，我自己又觉得够做。所以跳完之后一灯都冇系惊嘅，以为自己要返屋企，又会谂自己系咪未够班。但再拣一次都唔会变，只不过技术上会做得更好。”表演后，乐庭即被封为“姜涛2.0”，他说“冇压力就假”，但强调自己绝无意模仿。“听到话我刻意模仿，都几无辜 ，因为我同前辈真系无得比，所以真系要澄清。”止步 60强 ，乐庭透露发展重心将在跳舞界，但绝不抗拒任何演艺发展，而家人亦十分支持他的决定。

路飞唱完已知衰

事实上，拣啱歌真系好重要，路飞唱完《Doodoodoo》，喺复活区时已心知无望，纷纷与其他参赛者合照留念，他坦言自己的表现完全不值入60强，所以是否拣错歌呢？路飞面露尴尬神色表示：“ 拣呢首歌有好多因素， 唔系⋯⋯如我所愿。事后我都有谂， 首歌系啱我，但又好似争少少嘢，始终唔系自己唱开嘅曲风。事后Dee哥、 肥仔师兄都有讲佢哋每次收到歌都唔系好多时间准备，但都要好好咁消化。如果再有下次，我会提出自己嘅意见 。”路飞今年才21岁 ，家人暂不反对他追梦，他亦视《造星》为起点，并乐于作任何形式的尝试。

只想展现可塑性

Kakit在面试时，虽然被指“照骗”，但他确在pre round时展现出实力，唯当时评判Edward Chan认为他在分半钟内又Rap又跳再爆衫是野心太大之举。“但我系希望将我有嘅可塑性show俾大家睇，之后再慢慢咁将自己最精嘅俾观众睇 。 ”虽然未知Kakit所说的最精是否在40强的《Unholy》忘我演出，但这次的演出的确为观众留下深刻的印象，访问当日，Kakit只以“破格但自己好钟意”形容之后的演出，与此同时他又担心观众的接受程度：“希望可以为节目、香港艺术圈带来更多色彩。”

APA与《造星》两难舍

本身就读香港演艺学院嘅Kakit，在报名《造星5》时，一直以为自己可以轻易放下学业，直到收到入围通知。“MV无咩我嘅镜头系好应该，因为当时我迷惘，唔知造星定APA好，搞到两头唔到岸，完成投入唔到件事。”Kakit解释当初花了不少功夫才考入演艺，而学校亦十分愿意给予予机会，结果入学不到半年就去《造星》，他自觉十分轻浮。“我最后都quit咗，唔会后悔，因为呢将个月学到同见到嘅，系令我回晒本。”