【开心速递】预告再入剧组“过两招”？　欧阳震华：预我咪玩吓啰

无线处境喜剧《爱．回家之开心速递》播映至差不多600集，其反映社会各种现况或生活的剧情一直深受家庭观众喜爱。剧集成功之余，亦令剧内不少角色人气急升。要数其中最受观迎的，一定是大小姐（林淑敏饰）以及送水辉（许家杰饰），去年林淑敏更因此剧而获得“最佳女配角奖”，可说是演技备受肯定。今日（6月16日）也是父亲节，剧内一班演员连同欧阳震华（Bobby）出席宣传活动。Bobby在接受《香港01》访问，更对这对萤幕情侣赞不绝口。

欧阳震华（Bobby）:“大小姐上次攞奖我已经好想恭喜佢，不过𠮶时就唔系咁熟。我而家就补返，下次说唔好攞女配角，要攞女主角啦。”林淑敏问Bobby：“完咗6月24号𠮶两集之后，你会唔会要拍？我哋知道你年尾先有期，咁之后会唔会返嚟？”他说：“其实我就冇乜所谓嘅，你哋预我玩，我咪玩下啰，但系喺戏入面，我唔想都系做欧阳震华啦。”Bobby对著许家杰说：“嗱，送水辉你就要继续努力啦。第一个目标，就攞个飞跃进步奖睇下先。佢哋两个真系‘最佳萤幕情侣’嚟，真系几衬！呢个系第一步，观众都最接受。我𠮶时同关咏荷，到而家都啲人仲有印象。提起关咏荷，反而唔系谂起张家辉，而系欧阳震华。”

【开心速递】自细就劲百厌　欧阳震华：唔识游水都去海边钓泥鯭

独家拍摄现场探班：
【开心速递】你看不到的古装拍摄现场　全场最抢镜一定系花魁群姐

作为处境剧前辈，如果以欧阳震华、关咏荷与许家杰、林淑敏比较，又有甚么评价呢？林淑敏：“一定冇得比。”欧阳震华：“我同关咏荷呢，就好自动波。因为关咏荷已经操到好Fit，先过嚟无线，我又做咗十几年，先迎接佢，所以呢样嘢就冇得倾（比较）㗎啦。我关咏荷唔使沟通㗎，埋位就做㗎啦，佢又真系戏精。但系，佢哋（林淑敏饰、许家杰），在我嚟讲佢哋都尚算新，而家演戏都唔系咁多机会。”欧阳震华像是一个前辈一般，分享经验：“你哋可以再揣摩演技，再留意多啲。以前我哋收工都唔走㗎，会入厂揾啲前辈，虾叔（关海山）、达哥（吴孟达）、罗罗孪（罗乐林）都系我哋学习对象。”