【开心速递】杨嘉欣比坚尼游牛奶湖　湖泥搽全身：导游话可以增大

无线处境剧《爱．回家之开心速递》一直都有不少“隐藏美少女”（详细请按此：【开心速递】严选十大隐藏美少女　19岁“傻强”女友最年轻高质），除了邱晴、梁茵、周梓盈之外，不少得当然是“隐藏美少女”之冠杨嘉欣（Cherry）（饰 威龙百货女装部Annie）。早前Cherry趁著空闲时间到了位于西太平洋的岛屿国家“帛琉”旅游，打卡拍照留念之余更放上IG开心Share，一众网民更纷纷留言大赞她性感而又有仙气。

【开心速递】杨嘉欣著泳衣游帛琉彩虹瀑布骚长腿　网赞：仙女下凡

杨嘉欣（Cherry）接受《香港01》访问时说：“系吖，今次同屋企人去，去咗足足6日5夜。哈哈，去到𠮶度好似荒野求生咁，去到𠮶度就系食瞓玩，最主要每日就系出海浮潜，睇好多珊瑚，喂下鱼、睇下鲨鱼、睇下水母同埋钓鱼。不过最主要都系支持下屋企人，公公喺𠮶边投资咗酒店，同埋好难得可以一家人去旅行，唔止系爹地妈咪，而系阿公吖、姑姐都去埋。”

她笑说：“今次大概坐咗4个钟飞机到帛琉，由澳门出发嘅。因为我所有屋企人都喺澳门。佢哋投资酒店投资咗几多我唔清楚，屋企人喺𠮶边做嘢，我只系去玩。个天同海系真系好靓，个人感觉真系靓过马尔代夫！”相片中她也有到著名景点牛奶湖游览并用湖泥搽满全身，她说：“牛奶湖系一个Tiffany blue嘅湖，个湖入面有啲火山泥，有一粒粒磨砂系入面。导游话可以美颜磨砂之余，仲可以增大...不过信唔信由你。”

16岁就入行的她，入行4年，至今才渐渐为人所熟悉。虽然离成名还有一段颇长的路。“最近间唔钟拍下爱回家做下Annie。（收入多唔多？）多唔多嘢做，收入多唔多就见仁见智。但系我都够食够买嘢，因为我同屋企人住唔洗交租。我想做多啲嘢赚多啲，因为我都想有上车嘅机会，想有个属于自己嘅家。（屋企人点睇妳入行？）无论我做乜，我相信我屋企人都会支持我嘅，因为佢哋非常锡我，我只想做啲我觉得开心嘅嘢，因为做人最紧要快乐吖嘛。”

Cherry话个Trip啲靓相多到Post唔晒，呢度只系一小部份：