【开心速递】两年来再拍正剧唔放弃爱回家　大小姐：呢度系我嘅根

去年《万千星辉颁奖典礼2018》中，林淑敏凭著《爱·回家之开心速递》中饰演龙力莲（大小姐）一角夺得“最佳女配角”奖。她今日（4月14日）出席剧集宣传活动时接受《香港01》访问，说：“呢个奖系对自己一个肯定，又冇话工作特别多咗嘅，都系大家钟意睇爱回家，所以我喺出面先多咗少少工作，但系一切都系以《爱·回家之开心速递》为先。”

林淑敏表示，自从得到“最佳女配角”后，也多了不少广告工作：“系多咗啲广告揾我，酬劳唔算好多，够食够住啦，最近仲拍咗保险广告。”最近被问到，会否在正剧方面投放更多时间。她回答说：“我开过《降魔的2.0》，对我嚟讲好新鲜。因为我已经拍咗爱回家两年几，出面拍摄个质素同技术好新。我喺呢两年第一次出去拍正剧，个做法唔同咗，对我嚟讲真系学到嘢。喺呢两年几嚟算系第一次拍正剧，我自己想继续试，但系都系以开返爱回家为先，因为呢度系我嘅根。大家都相处得好好，最紧要系做一份自己开心嘅工。”

她续说：“之后故事都会有推进，我同送水辉会有啲经历，黎振烨（剧内角色：Jacky）又会出返嚟，细佬变醒之后又会继续醒落去。最开心嘅系每一次你系觉得系一样嘅嘢，但系暗暗推进，个剧情就已经好多变化，拍处境剧系周不时都可能揾到新鲜感。”