【开心速递】欧阳震华群姐终成CP 群姐：我真系好倾慕佢
撰文： 林迅景
出版：更新：
欧阳震华大赞群姐好戏
《开心速递》粉丝最期待画面终于出现喇，欧阳震华真系乱入《开心速递》，呢个画面最开心的应该是群姐（许诗敏饰），今日二人步出化妆间，群姐成个小粉丝咁，笑得有啲怕羞，但仍难掩心中的兴奋，而欧阳震华表示自己亲自问珍姐可唔可以入剧客串，点知珍姐以为佢讲笑，他说：“有次返嚟我同珍姐讲想去《开心速递》玩下，佢以为我讲笑，同下次我再返嚟，我话我认真㗎，之后珍姐就安排咗，其实自己都有间唔中睇下《开心速递》，都知群姐好like我，我啲朋友都系咁叫我入剧玩下，我觉得成件事好有趣，群姐系剧入面，之前同我有无形嘅对手戏，佢演绎得好好，又唔会over，又唔会under，钟意我呢啲年纪嘅人，系我粉丝，一定系佢心灵上嘅倚靠，好似发梦一样，就好似我自己见到偶像一样，我返嚟做两集，在公在私都圆咗佢嘅梦想啦。”
而终于美梦成真嘅群姐当然兴奋，她说：“我真系好开心，冇谂过真系有机会同佢一齐拍剧仲有对手戏，今次我演艺妓，佢演才子，呢个设计好完美，你睇下大家都好靓呀。”而欧阳震华同群姐都希望呢集收视，可以冲过３０ 点，他说：“我知《开心速递》收视不嬲劲㗎喇，我返嚟系叨光啫，哈哈。。不过讲真嘅，如果收视好，又档期许可，又剧组欢迎，咁咪再玩啰，最紧要观众钟意。”
点击睇各《开心速递》成员
+5