【全民造星II】MIRROR升级做评判：公开CASTING会紧张好多

ViuTV选秀节目《全民造星》来到第二季，5月1日举行公开招募及面试，MIRROR亦以师兄身份来到现场，表演了《前传》及新歌《破镜》，Lokman说：“今日做评判都几紧张，我哋又吾系话咩大前辈，只不过早佢哋一届、早出道少少；我哋唔系话非常完美，但要评人哋都有啲压力，畀交叉剔都要谂好耐、一齐商量一番。”姜涛亦附和：“我哋亦都实力未系好足够去评价人哋嘅实力如何，要好严谨。”

Ian则以师兄的身份提出意见：“与其话去评佢哋，不如话分享啲亲身经历佢哋，可能大家都会想知点样可以表现得好啲，喺选秀节目要表现自己嘅才华系好紧要，但另一方面都要做自己，畀观众睇到你嘅性格。”当问到有什么评分准则，Anson Kong说：“今日系第三日嘅Casting，我哋系睇才艺比较多，唱歌跳舞唔错，然后先再睇样。”

MIRROR又异口同声地说公开面试是个艰难的挑战，Anson Kong说：“今年Casting难过上年，因为系公开Casting，因为上年系匿埋喺间房见，今次要面对咁多人、又有观众系好辛苦。”Anson Lo以体谅的心情说：“公开Casting会紧张好多，头先嘅参赛者都系有少少走音嘅情况，好多时唔单止系能力嘅问题，太紧张个音就会震，其实都好明白佢哋未系最佳表现。”Edan忆起自己面试当日的心情：“如果上年公开Casting应该已经衰咗，虽然我𠮶日系冇啲老师喺到，但我都紧张到喺出面口震、脚震咗成粒钟。”

点击图辑睇MIRROR型相^^

当问到怕不怕新一季的参赛者，会对MIRROR构成竞争或威胁，Frankie说：“长江后浪推前浪系呢个圈不嬲都有。”而Jer亦十分乐观：“其实佢哋嘅出现系畀一个动力Push我哋更加进步，出道四个月以嚟我哋未必系做到最好，仲有进步空间，而家佢哋出现咗，我哋就唔可以松懈，要迫自己更加快去进步。”