谭杏蓝参加断食营获重生 7天激减5kg：成个人Refresh咗！
谭杏蓝（小花）4月19日出发到台南参与断食营，透过7日断食断联的生活，为身体排毒同时仔细审视自己的身心灵，学习活在当下。小花在出发前在自己的个人社交媒体留下了几个疑问：“这7天会发生甚么？身体会出现怎样的变化？爱吃如我受不受得了？会有怎样的感悟？”经过7天的断食营，小花在25日回到香港，便跟《香港01》记者分享了自己在断食营当中的经历及体会，以解大家对断食营的好奇。
为什么想去？
其实小花参与断食营是忽发奇想：“今年年头有一日夜晚剪剪下片，夜阑人静嘅时候好想揾啲挑战畀自己，碌碌下Facebook就见到有Friend Share咗断食营，然后揾咗好多资料睇，因为我系行动派得好紧要，之后即晚就报咗名。”
参与这件平常人觉得难以立定决心去做的事，小花其实出自于好奇之心，想体验一下、挑战一下：“我身体本身都多病痛，见到断食营三日半唔食嘢系Reboot（重新启动）个人，我就想试下，睇下帮唔帮到个身体，希望可以健康啲，因为我已经踏入要养生嘅年纪。”除了断食难，断联都好难：“我都听闻话7日冇电话用，佢哋会没收电话，作为城市人都好想挑战下：究竟我可唔可以放低部电话7日？个世界冇咗我7日会有咩唔同嘅转变？”
出发前⋯⋯
小花表示自己在出发前都有不少担心：“我个人好虚！去之前一个礼拜就开始惊，我唔食嘢一日都饿到发脾气，因为女仔好易一肚饿就发脾气，惊自己发脾气、惊自己心情唔好、惊会冇力、惊会胃痛，其实好多担心。”她坦言男朋友赵善恒（恒仔）同样担心，但最后选择都让她放胆去做：“由此至终我想做咩佢都由我做、放任我做，佢都知道我‘束缚不来如人马座’，最紧要顾掂自己就得。”她对于即将到来的挑战有着一箩箩的担心，却因为朋友们的质疑，坚定了决心：“我报完之后好多人都叫我算吧啦，冇可能㗎！啲人越系话我唔得，我就更加想去、坚定我要去嘅决心。”
要断联却放不下
在断食营期间，禁止使用手机和电脑，小花说：“其实我第一日去到、一入到屋企佢已经收咗我部电话，我连最后一句都讲唔到。我好记得𠮶晚系失眠，谂咗好多屋企、做嘢，有好多嘢都好似未搞掂，谂好多嘢、好放唔低！”日常有太多事情要处理，想要完全放下谈何容易：“第一晚失眠，去到第二日已经认命，同自己讲要惯，佢真系唔会派返畀我，一于试下啦，一场嚟到就感受下；第二日就不停同自己讲要放低凡间嘅嘢，上咗山就好似升咗仙咁。人生有几可会放低电话7日？而家有机会就试下啦。”
断食过程甚艰辛
万事起头难，小花忆起断食最辛苦的是在营中的第二天：“焗完蒸气浴有强烈嘅肚饿感，全身冇力，原来都系排毒嘅表现，身体开始反映一啲嘢，每个人都唔同，我就全身发软，净系想摊喺到，凉都唔想冲，一路上堂一路写嘢，回过神原来我写咗好多食物名喺本簿到，太挂住嘢食，最记得系蛋炒饭加粟米，肚饿到极点，系咁饮水忍埋佢、又逼自己瞓觉。”最难战胜的其实是自己的心魔：“最紧要系战胜自己嘅魔鬼，𠮶到嘅主人系随时准备咗黑糖姜母茶，如果真系饿到顶唔顺系可以饮少少，老实讲我系可以去厨房偷偷地饮，但魔鬼同天使就喺到对打，最尾都克服到。”
断食营每日日程
5:30起床
做早操
在山里散步（流汗也是排毒的一种）
做瑜珈、静坐
饮柠檬盐水2000CC（2公升）
闲话家常（休息时间）
开始排毒（积聚的毒素）
小睡片刻
补充水份1000CC（全日最少要3000CC水）
上健康知识课
活动（敷火山泥帮皮肤排毒、看电影、人生或心理课、行玉井山）
做瑜珈、静坐
上健康知识课
10:00睡觉
为身体排毒
小花去到第三天已经适应了断食营：“第三日已经克服咗，零肚饿、劲精神，唔食嘢反而仲精神过平时！”而当中最神奇的是：“断食断咗咁多日，每一日都系不停有嘢屙，好畅顺每日去6至8次，以前积咗好多年嘅嘢，排出嚟嘅嘢系前所未有见过！好得意唔同形状都有，有啲直情系食物嘅形状：墨汁、贡丸、珍珠奶茶、泥沙、朱古力碎片、橙色、啡色、黄色、液态、稀嘅、咩都有！好刺激，你见到原来自己身体里面有咁多嘢一直冇被处理，好彩排到出嚟，如果唔系可能之后好多病。”
第五天复食
小花在经历完断食营后更加珍惜食物：“头四日系断食，第五日会复食，要慢慢畀个胃习惯返有嘢落肚，第五日就饮返啲流质嘅嘢，有三餐但每餐最多200ml果汁或者蔬菜汁，第六日晚餐有半嚿豆腐加素肉松，我记得食豆腐嘅时候系眼湿湿，好好味，我未试过咁好味嘅豆腐！最后一日就有素食大餐可以食。”
体会完的感受
当记者问到断食还是断联比较难受，小花说：“肚饿难顶啲！因为我好为食，仲好拆得！一餐可以食三四碗饭。”不过这个挑战比想像中来得容易：“我Expect会更难挨，我以为自己会呕，但比我想像中舒服，虽然三日唔食嘢，但原来好精神，而家有重生嘅感觉，个人Refresh咗。”小花还想再去一次：“一年返去一次其实都系好事，始终离开七日都唔系短，要处理好好多嘢先过到去，希望下年再过到去。”
生活中的改变
经历完整个断食营，最明显的改变是体重，小花说：“轻咗5kg，我谂𠮶5kg都系啲毒素。”她亦更注重健康：“最紧要系出返嚟城市点控制自己食得健康！返到嚟想食啲好清嘅嘢，唔想食啲浓味嘅嘢；我都系煲咗啲蔬菜汤，烚下菜、粉丝、豆腐；好挂住妈咪嘅蛋炒饭加粟米，以前妈咪成日煲嘢我哋都话唔饮唔食，以后佢煲咩整咩我都会食！”
回到香港，生活也是时候回到日常，小花坦言：“仲适应紧，（26日）第一日回归工作，今日啲同事都话我慢咗，我就试下第二个方法去生活。真系要放慢脚步，先会睇到更加多嘅嘢，处理事件嘅成效会更高。”
点击下图观看小花其他靓相：