为音乐会做民意调查　周柏豪不抗拒骚肌：好积极咁训练自己

周柏豪（Pakho）出席时尚品牌活动，30度高温却见柏豪穿著大衣进场，皆因是日的主题为初秋男装：“其实都习惯，因为做艺人要习惯冬天著夏天衫，夏天就著冬天衫，我最怕反而系夏天著冬天衫，即系而家，好彩系有冷气嘅地方。”柏豪又分享之前拍剧的时候有不少这种经验：“之前做乐少锋咪系夏天著皮褛，幸好唔需要拍嘅时候可以即刻除返。”

周柏豪将于6月9日举行《MAKING OF...PAKHO》音乐会，他又提到这一次会比较特别：“一直同场馆𠮶到研究近可唔可以做到啲特别啲嘅嘢，因为过往红馆会有佢嘅规则，今次喺湾仔开就希望做到啲红馆做唔到嘅嘢，睇下可唔可以发生到，相信同观众系几好玩。”看来歌迷朋友有福了，柏豪又说：“距离又近咗，又多啲互动，我自己都几期待。”

当记者问到会否在是次音乐会展示肌肉时，柏豪就笑说：“都会啊，颈部肌肉。”但原来也不是没有机会：“未知，但我而家都好积极咁训练自己，因为五月底有个运动广告要拍，所以每一日都做运动。”问到保持良好身型的贴士，柏豪说：“戒口、多饮水、唔好食垃圾食物、少啲油盐糖、作息定时⋯⋯”至于餐单方面：“主要食蔬菜同鸡肉多，我自己唔食牛、羊、鹅、鸭、鱼翅，其实我仲有好多嘢都唔食。”他又续言：“戒口都系几辛苦嘅一件事，但都要习惯，因为做呢行自己贪靓，亦都有咁嘅需要，自己想做嘅嘢都尽量做到！”