《全民造星II》开锣　花姐自觉偏心：觉得新人可能威胁到MIRROR

ViuTV选秀节目《全民造星》来到第二季，今日（1日）举行公开招募及面试，一向以严肃一面示人的监制花姐说：“其实我冇话特别严厉，但我个人系咁，我谂今年同上年都冇咩变。”说到予参赛者的贴士，花姐说：“我觉得今年一定比上年严格，上年好好彩做到个神迹——MIRROR，今年我希望参赛者最少保持到个水准，如果我选到出嚟训练失败，个节目就好难行落去，希望导师训练到佢哋同MIRROR一样。”

不说不知道原来《全民造星》第一季本来是女生版，花姐说：“其实一开始我老板话搞女版我就否决咗佢，女版可能冇甘好睇，因为第一季好睇系班男仔好热血，如果做女版Focus会唔同。后尾老板话要搞第二季嘅时候，我就谂不如做女仔，因为MIRROR而家仲系新人，如果我咁快搞第二季又有班新男仔，我自己就偏心，我觉得新人可能威胁到MIRROR，之后我就唔想搞！咁我系个监制，冇理由因为私心而影响节目，所以就搞返男版。”

花姐曾经的担心似乎不是没有因由，在现场参赛者表演时，MIRROR的粉丝都十分热烈地应援，花姐说：“我其实都系第一次见参赛者，佢哋上台嘅时候我突然有啲怯，第一个参赛者上台嘅时候，我见到姜涛啲Fans喺到尖叫，我就好惊会唔会有威胁，然后我又谂佢哋出现可能会令MIRROR更加进步。”花姐又言不排除第三季办女版的可能，花姐说：“我觉得女版就唔系我做监制，男监制做应该好啲，名都可能唔系叫《全民造星》，暂时公司未有要搞女版嘅指示。”