林嘉欣与囡囡玩滑翔伞却畏高：我都有少少唔好意思

林嘉欣出席时尚品牌活动，说到自己将在活动中与黄伟文（Wyman）一起念诗，自己负责英文的部份，Wyman则负责中文的部份，整件事很“书虫”。嘉欣又大方分享自己的穿搭心得：“要明白自己嘅身型，唔好揭杂志见到靓就话‘我要著到咁’，但自己个效果出到嚟唔包保系咁，因为我都衰咗好多次！所以要知著啲咩系适合自己。”

复活节假期刚刚结束，嘉欣说到自己和家人去了旅行：“同囡囡一齐去露营、划艇、滑翔伞、去士多啤梨果园摘士多啤梨、行山⋯⋯”假期活动可谓十分丰富，当中要数滑翔伞最为印象深刻：“小朋友反而系第一个玩，我本身卖个关子冇话畀佢哋听去玩，但去到上咗去之后就奔跑返落嚟话要再玩，一玩就玩多三次！后尾我见佢哋玩得咁稳阵先够胆玩，因为我自己本身畏高，但小朋友都玩我冇理由唔玩！小朋友后尾都话我飞到咁高，都听到我尖叫，我都有少少唔好意思。”

林嘉欣还带囡囡一起做善事、设计曲奇饼：“其实一嚟想佢哋继续画画，二嚟又可以做善事，我都有同佢哋讲佢哋所画嘅曲奇饼部分系捐去惜食堂，又解释惜食堂每日会做八千个饭盒畀独居老人，所以系更加意义。”