谭杏蓝赵善恒共同为《早餐歌》填词　难忘男友带碌柚叶接机

谭杏蓝（小花）今日（27日）举行《早餐歌》新歌发布会，首次举行发布会的小花透露《早餐歌》的由来原来很浪漫：“有一日我唔舒服，于是我嘅另一半（ToNick主音及电结他手赵善恒）就整咗份赵氏all-day breakfast畀我，放咗喺我床边，我收到嘅时候系热泪盈眶，虽然𠮶碟全部都系罐头嘢，但我知道佢已经尽咗力，食完之后好感动，病咗冇嘢做就攞起支结他，弹弹下就好快连词都作咗。”

说到写歌的灵感，小花说：“大部份嘅灵感都系嚟自生活，或者夜阑人静嘅时候，每当好多谂法，我通常会即刻记低，但我自己写歌个状态系一路写，词就一路出。”她又忆起男朋友做的另一件浪漫事，小花谈到日前拍摄了《No Sleep No FOMO》、60小时不能睡觉的电视节目后说：“其中有一Part我系入咗鬼酒店住，又真系有怪事发生，于是我好惊即刻打畀佢。喺峇里岛返嚟香港嘅时候就见到有个男仔攞住一大抽用报纸包嘅碌柚叶，包到好似紥花咁嚟接机，扫走晒啲霉气，开心过收花太多！”

赵善恒今日亦有到场支持女朋友的新歌发布会，问是否惊喜现身？小花笑说：“本身知嘅，边有咁多惊喜吖！”恒仔还带同父母前来撑场，小花就表示不是太紧张：“其实佢爸爸妈妈好好，我哋都成日一齐食饭、唱K，其实我唱歌佢哋都听惯晒！”当问到是否喜事近时，小花害羞地说：“你问佢啦！（等紧？）唔系等紧！”忽然又回到官方回答Mode：“事业为重！其他嘢慢慢谂啦，冇咁快。”

点击下图观看活动其他靓相：