【后生仔倾吓偈】冯盈盈转述偏激嫁有钱人论惹哗然：唔代表我立场

冯盈盈 (Crystal) 一向好敢言，仲不时会爆出金句，甚至给人一种语不惊人誓不休的感觉。她日前于有份主持的无线节目《后生仔倾吓偈》中，就发表了“系鸡系公厕论”。当Crystal与另一主持麦明诗讲到港姐嫁有钱人时，她表示：“如果我哋嫁畀有钱人，就畀人话睇死佢啦！想吊金龟啦！系鸡，系公厕！”此话一出，随即惹来极大的回响，不止大班网民叫身为港姐冠军的Crystal要慎言，就连历届的港姐师姐包括庄思明以及朱洁仪都有批评Crystal的“系鸡系公厕论”。

庄思明就直指作Crystal作为公众人物唔应该咁讲：“成个感觉好cheap，对自己形象唔好，亦有损港姐嘅形象，仲会影响年青人嘅谂法。”又认为Crystal可以用其他字眼去表达，不需要用如此激进来搏出位。而朱洁仪就话：“冇听过人哋咁讲港姐，咁肉酸㗎！唔应该宣扬唔真实嘅讯息。”

另外，杨洛婷就笑言：“或者系代沟，可能细路女，讲吓笑啫。”陈庭欣就话Crystal的言论应该是节目效果：“佢讲嘢冇保留、够贴地啫，监制佢哋审批完话出得就OK啦！”

而事后Crystal都有再为自己的“系鸡系公厕论”解画说：“我当时系转述紧一啲网民好偏颇同好主观嘅言论，佢哋真系用呢啲字眼，但唔系代表我嘅意见同立场，我自己并唔认同呢啲言论，系持反对意见嘅。有时外界系用两把尺嘅标准去衡量我哋女仔或者女艺人，咁其实对我哋女性系好唔尊重同唔公平。女仔去揾自己想要嘅婚姻，有乜问题？女仔系有权利去选择自己幸福嘅。我系为女权平反，希望大家公开讨论同正视。”

对于被指用词太激，Crystal说：“睇返网上攻击女性嘅用词，再粗鄙啲、露骨啲同更具攻击性啲都有，我只系引述出嚟讨论，咁点解喺网上攻击人冇问题，拎上节目讲就有问题？”不过她就话自己都会检讨一吓，而今次引起大家讨论，也可以借此睇吓电视用字的呎度去到边。Crystal的拍档麦明诗同陆浩明亦力撑她。

睇返啲节目Cap图，FYY真系有咁讲㗎。