【后生仔倾吓偈】冯盈盈锡完爱犬再锡男友　唔理卫生：爱佢就无事

最新一集《后生仔倾吓偈》以“身边总有个宠物奴”为题，麦明诗同冯盈盈更带埋爱犬“麦精”、“波子”齐齐现身。二人于节目中，都十分认同做猫做狗都十分之幸福，因为每当工作辛苦时，见到爱犬只系挂住瞓、玩、食，大便都有人服侍时，即时觉得宠物系世上最幸福的一位。

陆浩明之后问到“能否接受另一半锡完宠物再钖你”时，虽然大部分都表示反对，麦明诗更指出“佢可能食完屎再锡你另一半㖞”，投赞成票的FYY听到之后，就话“佢哋啲屎系有机㗎。”咁如果另一半同爱犬嘴对嘴、甚至去到舌吻程度呢？FYY都话无问题，更指“本身已经系咁对我宝宝”，麦明诗听完之后，似乎都系接受唔到，更指自己只“麦精”会食屎同埋落街时会舔垃圾桶，虽然听落好唔卫生，但FYY就话“得㗎啦，咁大个人有抗体，你爱佢就无事。”更笑言未因此而生过唇疮，结果即被麦明诗反抽“因为冯盈盈身经百战”

以为讲宠物就唔会有甜嘢？当大家讨论到“如果另一半出街时，只系顾住买嘢俾宠物时”，FYY就话“可唔可以买啲玩具比我呢只宠身，刺激嘅玩具……”麦明诗再接力“有啲玩具人同狗都啱玩，珠珠𠮶啲！”两位果然名不虚传！